“Гэмт хэрэг, зөрчлөөс урьдчилан сэргийлэх тухай”
Эрдэнэт үйлдвэр ХХК-ийн ажилтан та ажил хөдөлмөр эрхлэх үедээ тус компанид мөрдөгдөж буй Хөдөлмөрийн аюулгүй байдал, эрүүл ахуйн бодлого, ХАБЭА-н удирдлагын тогтолцоонд заагд-сан эрх, үүргийг хэрэгжүүлэн ажиллахаас гадна ХАБЭА-н дотоод нийтлэг дүрмийн ажилтан хүний эрх үүрэгтэй холбоотой зүйл заалтуудыг чанд биелүүлж, хэрэгжүүлэн ажил-лах үүрэгтэй.
Даалгавраар өгөгдсөн ажил үүргийг хийж гүйцэтгэхдээ тухайн даалгаврыг өгсөн шууд удирдах инженер-техникийн ажилтан (меха-ник, цахилгаанчин, мастер, хэсгийн дарга болон бусад) болон ажлыг гүйцэтгэх гэж байгаа ажилтан та ажлын байран дахь эрсдэлийг урьдчилан хянаж, шалгаж, үнэ-лэх, ажлыг зөв дэс дарааллаар гүйцэтгэхийг нэн тэргүүнд баримт-лан ажиллаж хэвших хэрэгтэй.
Эрсдэлийг урьдчилан харснаар ажилтан та өөрийн болон бусдын амь нас, эрүүл мэндийг осол эндлээс урьдчилан сэргийлж, үйл ажиллагаагаа хэвийн, үр дүнтэй гүйцэтгэх юм.
Үйлдвэрлэлтэй холбоотой гарч буй осол, гэмтлүүдийн ихэнх хувийг:
-Ажилтан нь ажлын байран дээрээ ажлын тусгай хувцас, хувийн хамгаалах хэрэгсэл хэрэглээгүй, өөрсдийн хайхрамжгүй байдал,
-ХАБЭА-н хангалттай бус мэдлэг, дадал, чадвартай, мөн ажилдаа хандах зөв хандлагыг бүрдүүлээгүй буюу ХАБ-ын дүрэм, журам, зааврыг зөрчсөн үйлдлүүд эзэлж байна.
Хөдөлмөрийн харилцаатай хол-боотой гэмт хэрэг, зөрчлийг хууль хяналтын байгууллагаас шалгахдаа хууль, журмын заалтыг баримтлан явуулдаг. Хууль, эрх зүйн зарим заалтуудаас дурьдвал:
-Хөдөлмөрийн аюулгүй байдал, эрүүл ахуйн тухай хуулийн 27 дугаар зүйлд: “Хөдөлмөрийн аюулгүй байдлыг хангах, хөдөлмөрийн нөхцөлийг сайжруулах, хууль тогтоомжийг хэрэгжүүлэх, хяналт тавих үүргийг аж ахуйн нэгж байгууллагын захирал, ажил олгогч шууд хариуцна”
“Хөдөлмөрийн аюулгүй бай-дал, эрүүл ахуйн ажилтан нь ажил олгогчийн шууд удирдлаганд ажил-лаж, түүний өмнө ажлаа бүрэн хариуцна”
Монгол улсын Эрүүгийн хуу-лийн тусгай ангийн 138 дугаар зүйлд Хөдөлмөрийн аюулгүй ажиллагаа, эрүүл ахуйн журмыг сахин хангуулах үүрэг бүхий этгээд энэ үүргээ биелүүлээгүйгээс хүний бие махбодид хүндэвтэр, хүнд гэмтэл учирсан, амь нас хохирсон, бусад хүнд хор уршиг учирсан бол хорих ял шийтгэхээр зааж өгчээ.
Эдгээрээс дүгнэхэд ажил олгож байгаа инженер техникийн удирдах ажилтан та ХАБ-ын дүрэм, журмыг өөрөө болон ажилчдаар сахиулах үүргийг хүлээсэн байна. Ажил хөдөлмөр эрхэлж буй иргэн, ажилтны эрх үүргийг Хөдөлмөрийн аюулгүй байдал, эрүүл ахуйн тухай хуулийн 18 дугаар зүйлд тусгайлан зааж өгсөн.
Эрдэнэт үйлдвэр ХХК-ийн ХАБЭА-н бодлого, 5А зарчим, ХАБЭА-н дотоод нийтлэг дүрэм, тухайн ажлыг гүйцэтгэх үед дагаж мөрдөх дүрэм, заавар, технологийн горимыг мөрдөн, хэрэгжүүлж, өөрийгөө болон бусдыг учирч болзошгүй ослоос урьдчилан сэргийлж ажиллана уу.
Осол эндэлгүй, хөдөлмөрийн харилцааны гэмт хэрэг, зөрчилгүй үйлдвэрлэлийн үйл ажиллагааны хэвийн нөхцөл хангасан хамт олон болж ажиллахыг хүсч энэхүү зөвлөмжийг та бүхэнд хүргэж байна.
“Эрдэнэт” үйлдвэрийн Гэрээт цагдаагийн
хэлтэс
Нар минутад мандаж минутад жаргана.
Үс засуулвал: 
Суудал: 
