Орон сууц худалдан авсан, хувийн байшин босгосон, их дээд сургуулийн төлбөр бэлнээр төлсөн иргэд мөнгөнийхөө òîäîðõîé хувийг буцаан авах боломжтой байдаг. Энэ жил хувь х¿ний орлогын албан татварын хөнгөлөлт, чөлөөлөлт эдэлж, татварын буцаан олголт авахаар материалаа бүрдүүлж өгсөн “Эрдэнэт” үйлдвэрийн ажиллагчдад хүлээлт үүсээд байна. Өмнө жилүүдэд татварын буцаан олголтын мөнгө ажиллагчдын дансанд 3, 4-р сард ордог байсан бол энэ удаа зун дундаа орж байхад сураггүй хэвээр. Харин “Эрдэнэт” үйлдвэрийн ажиллагчдаас бусад иргэд татварын хөнгөлөлт, чөлөөлөлтөө хэдүйн эдэлжээ. Үйлдвэрийн ажиллагчдын татварын буцаан олголт яагаад удааширч буй талаар Орхон аймгийн Санхүү, төрийн сангийн хэлтсийн дарга Д.Мөнх-Эрдэнээс тодрууллаа.
-Татварын буцаан олголтыг 2015 оны төсөвт 2,1 тэрбум төгрөгөөр баталсан. Ипотекийн 8 хувийн зээл олгож эхэлсэнтэй холбоотой манай аймгийн зээл авч буй иргэдийн тоо эрс өссөн. Үүнээс шалтгаалаад татварын буцаан олголт 2,6 тэрбум төгрөгт хүрсэн. Гүйцэтгэлээ хянаад үзэхээр хамгийн өндөр мөнгөн дүнтэй нь “Эрдэнэт” үйлдвэрийн ажиллагчид 1 тэрбум гаруй төгрөгийн буцаан олголт авах ёстой. 2015 оны төсөвт баталсан мөнгө нэгэнт хүрэхгүй учраас хамгийн өндөр мөнгөн дүнтэй, хамгийн сүүлд материалаа ирүүлдэг “Эрдэнэт” үйлдвэрийн ажилчид татварын буцаалтаас хоцорсон байгаа. Аймгийн бусад иргэдийн татварын буцаан олголтыг арилжааны банкууд руу цаг хугацаанд нь шууд шилжүүлсэн. Төрийн санд татварын буцаалтын үлдэгдэл 600 гаруй сая төгрөг бий. Үүнийг эхний ээлжинд аваад ажиллагчдадаа өгч байх юм уу гэсэн саналыг “Эрдэнэт” үйлдвэрт тавьсан боловч таллаж аваад нэг хэсэгт нь тараахаар үлдсэн хүмүүс нь хэл ам гаргана, төсвийн тодотголын дараа нэг мөсөн авъя гэсэн хариу өгсөн тул өнөөдрийг хүртэл хойшиллоо. 6-р сарын 11-нд болох аймгийн Иргэдийн төлөөлөгчдийн хуралдаанаар төсвийн тодотгол хэлэлцэнэ. Татварын буцаан олголтын зөрүү 534 сая төгрөгийг хурлаар оруулж батлуулаад “Эрдэнэт” үйлдвэр рүү 6-р сарын 12-нд шилжүүлэх юм.
М.ОДГЭРЭЛ
Нар минутад мандаж минутад жаргана.
Үс засуулвал: 
Суудал: 
