ЭРДЭНЭТ ҮЙЛДВЭР ХХК-ИЙН ҮЭ-ИЙН ХОЛБООНЫ ДАРГАД НЭР ДЭВШИГЧИЙГ БҮРТГЭХ ЖУРАМ

ЭРДЭНЭТ ҮЙЛДВЭР ХХК-ИЙН ҮЭ-ИЙН ХОЛБООНЫДАРГАД НЭР ДЭВШИГЧИЙГ БҮРТГЭХ ЖУРАМ

Нэг.Нийтлэг үндэслэл

1.1  Энэхүү журам нь Эрдэнэт Үйлдвэр ХХК-ийн ҮЭ-ийн Холбооны ээлжит VIII бага хурлаар зохион байгуулалтын асуудал хэлэлцэж ҮЭ-ийн Холбооны даргад нэр дэвшигчийг сонгоход тавигдах шаардлагыг тодорхойлон мөрдөхөд оршино.

Хоёр. Нэр дэвшүүлэх

2.1.Эрдэнэт Үйлдвэр ХХК-ийн ҮЭ-ийн Холбооны даргад нэр дэвшигч нь дараах шаардлагыг хангасан байх хэрэгтэй. Үүнд:

1.      Нэр дэвшигч нь Монгол Улсын иргэн байх

2.      ҮЭ-ийн зохих мэдлэгтэй, удирдах зохион байгуулах, багаар ажиллах чадвартай

3.      Орос болон Англи хэлний зохих түвшний мэдлэгтэй

4.      Хөдөлмөрийн насны байх

5.      МҮЭ-ийн гишүүн байх

2.2. Эрдэнэт Үйлдвэр ХХК-ийн ҮЭ-ийн Холбооны даргад нэр дэвшигч нь дараах материалыг бүрдүүлэн ҮЭ-ийн Холбоонд бүртгүүлнэ. Үүнд:

1.      Цахим үнэмлэхний хуулбар

2.      2% цээж зураг

3.      Их, дээд сургууль төгссөн дипломын нотариатаар батлуулсан хуулбарыг эх хувийн хамт

4.      Өөрийн ажил байдлын тодорхойлолт

5.      3 үеийн намтрыг өөрийн гараар бичиж, гарын үсгээр баталгаажуулсан байх

6.      Мөрийн хөтөлбөр

Гурав. Нэр дэвшигчийг бүртгэх

3.1. Нэр дэвшигчийг 2015 оны 6 дугаар сарын 10-ны өдрийн 08⁰⁰ цагаас 6 дугаар сарын 17-ны өдрийн 16³⁰ цагийн хооронд бүртгэнэ.

3.2. Нэр дэвшигчийн сурталчилгаа хийх эрх нь албан ёсоор бүртгэгдсэн өдрөөс эхлэн үүсэх ба 6 дугаар сарын 17-ны өдрийн 15⁰⁰ цагаар дуусгавар болгоно.

3.3. Нэр дэвшигчийг 3.1-д заасан хугацаанаас хойш бүртгэхгүй.

Хурал зохион байгуулах комисс