Монгол улсын хэмжээнд улаанбурхан өвчний тархалт буурахгүй байгаа учир Эрүүл мэнд, спортын яамнаас 6-р сарын нэгний өдөр хүүхдүүдийг олноор цуглуулсан үйл ажиллагаа зохион байгуулахгүй байх сэрэмжлүүлэг ирүүлсэн байна. Үүнтэй холболдуулан Эрдэнэт үйлдвэр ХХК-ийн ажилчдын хүүхдүүдийн “Бүх хайраа гэр бүлдээ” урлаг спортын цэнгүүнийг зохион байгуулахгүй байх шийдвэрийг ажлын хэсгээс гаргав.
Орхон аймагт өнөөдрийн байдлаар улаанбурхан өвчний 84 сэжигтэй тохиолдол бүртгэгдээд байгаа бөгөөд 4 сартай нярайгаас 44 хүртэл насны 42 иргэн өвчилжээ. Манай аймагт 6 сартайгаас 2 настай 10792 хүүхдийг дархлаажуулалтанд хамруулсан байна.
Улаанбурхан өвчин агаар дуслаар маш хурдан халдварладаг учир бага насны хүүхдийг олон нийтийн газраар явуулахгүй, хүйтэн зүйл уулгаж, дааруулахгүй байх, хөнгөн чанарын шингэц сайтай хоол хүнс хэрэглүүлэхийг Орхон аймгийн Эрүүл мэндийн газраас зөвлөлөө.
Нар минутад мандаж минутад жаргана.
Үс засуулвал: 
Суудал: 
