Дэлхийн Жүдо бөхийн Мастерсийн тэмцээн энэ сарын 23-24-ний өдрүүдэд Морокко улсын Рабат хотноо зохион байгуулагдлаа. Тус тэмцээнд жин тус бүрт дэлхийд чансаагаараа эхний 16-д эрэмбэлэгдсэн нийт 224 шилдэг тамирчин оролцсон байна. Жүдо бөхийн Мастерсийн тэмцээнд оролцох Монгол улсын багийг Монголын жүдо бөхийн холбооны ерөнхий нарийн бичгийн дарга М.Бөхбат, Эрдэнэт үйлдвэр ХХК-ийн спорт ордны орлогч захирал, МУГТ Д.Нармандах нар ахаллаа. “Эрдэнэт” үйлдвэрийн Хангарьд спорт клубээс эрэгтэйчүүдийн дэлхийн чансааг тэргүүлэгч 63 кг жинд МУГТ Г.Болдбаатар, 73 кг жинд МУГТ С.Ням-Очир, 81 кг-ийн жинд О.Ууганбаатар, +100 кг-ийн жинд Ө.Дүүрэнбаяр нар зодоглосон. Хангарьд спорт клубын тамирчин, МУГТ Г.Болдбаатар 60 кг-ийн жинд хүрэл медаль хүртэж олимпийн оноогоо 280-аар ахиулан дэлхийд чансаагаа нэгдүгээрт хадгалж үлдлээ.
Энэ удаагийн мастерсийн тэмцээн нь Бакуд болсон Их дуулгын тэмцээний дараа шинэчлэн тогтоогдсон дэлхийн чансааг тэргүүлэгч жин тус бүрийн шилдэг 16 жүдоч оролцсоноороо онцлог бөгөөд нийт шагналын сан нь 200 мянган ам.доллар байжээ.
Нар минутад мандаж минутад жаргана.
Үс засуулвал: 
Суудал: 
