“Баяжуулагч-2015” аяны нээлт, Монгол улсын Хөдөлмөрийн баатар, бутлуурчин Д.Бямбаатай уулзах баяжуулагчдын өдөрлөг, урлагийн тоглолт “Уурхайчин” соёлын ордонд боллоо. Аяны нээлтэнд “Эрдэнэт” үйлдвэрийн Ерөнхий захирлын нийгмийн асуудал хариуцсан орлогч С.Сувдаа, Монголын ашигт малтмал баяжуулагчдын холбооны тэргүүн С.Давааням, ШУТИС-ийн Геологи уул уурхайн сургуулийн захирал Б.Чинзориг, Баяжуулах фабрикийн даргын үүрэг гүйцэтгэгч Д.Эрдэнэцогт нар оролцсон. Энэ үеэр Орхон аймгийн “Эрдэнэт” цогцолбор сургуулийн дунд ангийн сурагчдын урлагийн тоглолт болж, Монгол улсын Хөдөлмөрийн баатар Д.Бямбаагийн үг, МУСТА, хөгжмийн зохиолч Б.Цэрэндондовын ая “Заяагаар учирсан хангай” дууг амилуулан үзэгчдэд хүргэлээ. Монголын ашигт малтмал баяжуулагчдын холбооны тэргүүн дээд шагнал “Хүндэт баяжуулагч” цол тэмдгийг Д.Бямбаад гардуулан өгсөн. Тэрээр “Эрдэнэт” үйлдвэрт тасралтгүй 37 жил бутлуурчнаар үр бүтээлтэй ажиллаж буй, баяжуулагчдаас төрсөн Монгол улсын Хөдөлмөрийн баатар юм. “Баяжуулагч-2015” аяны нээлтэнд зориулж Баяжуулах фабрикийн хэсгүүд үйл ажиллагаагаа сурталчилсан үзэсгэлэнг гаргажээ. Тус аяныг Технологийн сургуулийн 40 жилийн ойн хүрээнд Монголын ашигт малтмал баяжуулагчдын холбоотой хамтран зохион байгуулах тухай “Эрдэнэт” үйлдвэрийн Ерөнхий захирал Ц.Даваацэрэнгийн тушаал гарсан. Уг тушаалаар “Баяжуулагч-2015” аяныг зохион байгуулах ажлын хэсгийн бүрэлдэхүүнийг баталж, ахлагчаар Ерөнхий захирлын нийгмийн асуудал хариуцсан орлогч С.Сувдааг томилсон байна. Аяны хүрээнд бутлуурчин, тээрмийн машинч, баяжуулагч, шүүлтүүрчин, конвейерийн машинчдын ажил мэргэжлийн уралдаан, Орхон аймгийн оюутан, сурагчдын дунд “Мэргэжлээ хэн сайн мэдэх вэ?” уралдаан, сайн үйлсийн аян, спортын тэмцээн, явган аялал, “Өвчлөлгүй хамт олон шалгаруулах” зэрэг олон төрлийн уралдаан зохион байгуулагдана. Мөн “Ашигт малтмалын флотацийн арга”, “Хаягдлын аж ахуй” зэрэг мэргэжлийн гарын авлага боловсруулан хэвлүүлэх аж.
Нар минутад мандаж минутад жаргана.
Үс засуулвал: 
Суудал: 
