Хүдрийн ил уурхай технологийн тээврийн замын хөдөлгөөний аюулгүй байдалд ахиц гаргахаар ажиллаж байна. Өнгөрсөн жилийн сүүлээр уурхай орчмыг Холбоо мэдээллийн технологи ба автоматжуулалтын цехтэй хамтран камержуулсан бол ирэх сард үзэгдэх орчин хязгаарлагдмал, гэрэлтүүлэг муутай газар, камеруудыг чийгнээс хамгаалах тавиурыг гэрэл ойлгогчтой болгох ажил хийхээр төлөвлөжээ. Мөн уур, ус дамжуулах төмөр хоолой дээр өндөржүүлсэн тэмдэг тавьж, гэрэл цацруулагч хийх юм. Саяхан Хүдрийн ил уурхай, ХАБЭА-н хэлтэстэй хамтран уурхайн бүсд яваа машинуудад үзлэг шалгалт хийжээ. Үзлэгээр уурхайн бүсэд гадны машин олноор нэвтэрдэг, ил уурхайн замд 30 км/ц-аас илүүгүй хурдтай явах заалтыг зөрчдөг зэрэг дутагдал илэрсэн байна.
Дашрамд дуулгахад тус цехийнхэн бүтээмжийн хөдөлгөөний хүрээнд экскаваторын засварын хэсгийн гадна, дотор талбайг засварлаж, тэнд байсан ашиглагдахгүй металл хийц, троссыг Засвар механикийн заводад түүхий эд болгож өгөөд, эргэн ашиглагдах сэлбэг хэрэгслийг эмх цэгцэнд оруулж байв.
М.ОДГЭРЭЛ
Нар минутад мандаж минутад жаргана.
Үс засуулвал: 
Суудал: 
