“Эрдэнэт” үйлдвэрийн телевизийн нэвтрүүлэгч, Монгол улсын Соёлын тэргүүний ажилтан Пүрэвийн Энхтуяа аавынхаа 85 насны ойн гэгээн дурсгалд зориулж “Хуран мэдэхүйн зам” нэртэй ном хэвлүүллээ. Түүний аав Хөвсгөл аймгийн Шинэ-Идэр сумын харьяат, түүх, нийгмийн багш мэргэжилтэй М.Пүрэв боловсролын салбарт 45 жил бүтээлч хөдөлмөрөө зориулсан сурган хүмүүжүүлэгч юм. Түүнээс гадна түүхийн олон арван өгүүлэл, ном, товхимол, эрдэм шинжилгээний бүтээл туурвижээ. Сэтгүүлчийн ажил хөдөлмөрийг нь өвлөсөн охин нь энэ бүхнээс нь түүвэрлэн “Хуран мэдэхүйн зам” хэмээх сайхан нэртэй ном хэвлүүлсэн байна. Олон мянган шавь нартаа М.Пүрэв захирал хэмээн хүндлэгдсэн энэ эрхэм түүх, соёл, эх хэл, тусгаар тогтнол, үнэт зүйлээ хайрлан хамгаалах чин эрмэлзлэл, залууст сургамжтай айлдвар, түүхийн үнэнийг баримтанд тулгуурлан бичиж үлдээснээрээ онцлог, гавьяатай юм.
М.Одгэрэл
Нар минутад мандаж минутад жаргана.
Үс засуулвал: 
Суудал: 
