Монгол улсын Ерөнхий сайд Ч.Сайханбилэгийн захирамжийн дагуу С.Дангаасүрэн Орхон аймгийн Засаг даргаар томилогдож, 2-р сарын 13-нд ажлаа хүлээн авлаа. Шинэ Засаг дарга ажлаа хүлээн авах ёслолд Орхон аймгийн ИТХ-ын дарга Б.Мягмарсүрэн, аймгийн Засаг дарга асан Г.Зоригт, аймгийн Засаг даргын орлогч Д.Энхбат, аймгийн ИТХ дахь олонхийн бүлгийн дарга Ц.Батхуяг болон аймгийн ИТХ-ын олонхийн бүлгийн гишүүд оролцов.
Аймгийн Засаг дарга С.Дангаа-сүрэн ойрын хугацаанд хийж хэрэгжүүлэх ажлынхаа талаар энд өгүүлэхдээ:
-Улс орны хэмжээнд Засгийн газраас хэрэгжүүлж байгаа эдийн засгийн бодлого, Засаг даргын үйл ажиллагааны хөтөлбөртэй уялдуулан орон нутгийн 2015 оны төсвийн тодотголыг боловсруулан аймгийн ИТХ-аар хэлэлцүүлж батлуулна.
Төсвийн тодотголыг ийнхүү бат-луулснаар 2015 онд аймгийн хэм-жээнд энэ онд хэрэгжүүлэх бүтээн байгуулалт, хөрөнгө оруулалтын ажлууд тодорхой болно. Мөн ойрын хугацаанд улсын төсвөөс хамааралтай тэтгэвэр тэтгэмж, цалин хөлс олгогдоогүй саатаж байгаа асуудлуудад анхаарал хандуулна гэв.
Тэрээр Иргэдийнхээ санал хүсэлтийг байнга сонсож, хууль дээдлэн, уламжлал шинэчлэлийг хослуулах зарчим баримтлан ажил-лана. 2015 онд их бүтээн байгуу-лалтын ажлуудаа үргэлжлүүлнэ. Эко хорооллыг ашиглалтанд оруулах, шинээр төлөвлөгдсөн хорооллууд болон 1000 айлын орон сууцны ажлыг эхлүүлэх, хотын инженерийн шугам сүлжээний шинэчлэл, гэр хорооллын зарим хэсгийн эрчим хүчний асуудлыг шийдвэрлэх, гэр хорооллын айл өрх, зарим гудамжинд инженерийн шугам сүлжээ оруулах, хотын нийтийн тээвэрт том, бага оврын автобус явуулж, үйлчилгээг нь сайжруулах, СӨХ-ны үйл ажиллагааг шинэчлэх, хотынхоо өнгө үзэмжийг сайжруулах зэрэг олон бүтээлч ажилд анхаарал хандуулна гэж ярилаа.
Ж.ОЮУН
Нар минутад мандаж минутад жаргана.
Үс засуулвал: 
Суудал: 
