“Эрдэнэт” үйлдвэрийн Хөдөлмөрийн аваргууд тодорлоо

“Эрдэнэт үйлдвэр” ХХК-д олон жил өндөр үр бүтээлтэй ажиллаж, үйлдвэрийн төлөвлөгөөг биелүүлэх, шинэ техник, технологи нэвтрүүлэн эзэмших, үндэсний мэргэжилтэй боловсон хүчин сургаж бэлтгэх, хөдөлмөрийн хамт олныг удирдан зохион байгуулах, үйлдвэрлэлийн менежментийг зах зээлийн нөхцөлд нийцүүлэн боловсронгуй болгоход бүтээлч хөдөлмөрөө зориулан өндөр амжилт гаргасан 33 ажилтныг XVII жарны хөхөгчин хонин жилийн Цагаан сарын баярыг тохиолдуулан 2014 оны Хөдөлмөрийн аваргаар шалгаруулан “Аваргын од” тэмдгээр энгэрийг нь мялааж, хүндэт салбарт алдаршуулан сурталчилж, 3 сая төгрөгөөр тус тус урамшууллаа. Баяжуулах фабрикийн засварчин Б.Барсүрэн, механикч Х.Ганбаатар, сургалт хариуцсан инженер Ш.Нармандах, тоног төхөөрөмжийн засварчин Г.Бат-Эрдэнэ, хөвүүлэн баяжуулагч Л.Хонгорзул, Хүдрийн ил уурхайн Уулын хэсгийн дарга Д.Уламмандах, автогрейдерийн машинч Б.Виктор, уулын тоног төхөөрөмжийн цахилгаанчин Л.Батсайхан, Авто тээврийн байгууллагын жолооч О.Гантулга, жолооч С.Баярхүү, БелАЗ-ын засварчин Д.Нэргүй, ээлжийн дарга С.Отгонбаяр, Засвар механикийн заводын шингэн шил чанагч Д.Баасанжав, цахилгаан ба хийн гагнуурчин Б.Чулуунбат, агааржуулалтын засварчин Д.Ганбаатар, засварчин Комашко Владимир Васильевич, Судалгааны төвийн цахилгаан тоног төхөөрөмжийн засварчин О.Сэргэлэнбаатар, Холбоо мэдээллийн технологи ба автоматжуулалтын цехийн хянах хэмжих хэрэгсэл автоматикийн засварчин Д.Нацагдорж, Засвар угсралтын цехийн тоног төхөөрөмжийн засварчин Л.Мөнхбат, Цахилгаан цехийн тохируулгын инженер Б.Болдбаяр, Дулааны цахилгаан станцын мастер Ү.Нямаа, Эрчим хүчний цехийн баллоны засварчин Ч.Эрдэнэжаргал, Геологи хайгуулын ангийн гидрогеологич инженер Т.Батбаяр, Чанар хяналтын хэлтсийн химийн шинжилгээний лаборант С.Одмаа, Төмөр замын цехийн орлогч дарга В.Эрдэнэбат, Материал техник хангамжийн баазын ХАБЭА-н тэргүүлэх инженер Д.Энхбаатар, Инженерийн зураг төслийн төвийн зохион бүтээгч инженер Б.Однасан, Технологийн сургуулийн сургалт эрхэлсэн дэд захирал Ш.Сүхээ, Сэлэнгэ амралтын баазын цахилгаан ба хийн гагнуурчин С.Батсуурь, Уурхайчин соёлын ордны бичээч, бичиг хэргийн ажилтан Т.Байгалмаа, Нийтийн хоолны хэсгийн мөнгөний нярав, худалдагч Ш.Соня, Тамгын хэлтсийн сэлбэн засагч хавтаслагч Б.Оюунцэцэг, Эрдэнэт сувиллын цогцолборын нарийн боовчин Ю.Наранчимэг нар “Эрдэнэт” үйлдвэрийн 2014 оны Хөдөлмөрийн аваргаар шалгарлаа.

“Эрдэнэт үйлдвэр” ХХК-ийн үйлдвэрлэлийн төлөвлөгөөт зорилтыг ханган биелүүлэх, борлуулалтын орлогыг нэмэгдүүлэх, бүтээгдэхүүний өртөг зардлыг бууруулахад амжилт гарган ажилласан Эдийн засаг, маркетингийн хэлтсийн орлогч дарга Д.Галбаатар, Хөгжлийн хэлтсийн тэргүүлэх мэргэжилтэн Ч.Ганболд, Баяжуулах фабрикийн даргын зөвлөх Р.Дэлгэр нарын нэрийг компанийн Хүндэт дэвтэрт мөнхжүүлэн “Хүндэт тэмдэг”-ээр шагнаж, 5 сая төгрөгөөр тус тус урамшуулав.