“Энэ хүүхнүүд үү” АСТ боллоо

Эрдэнэт үйлдвэрийн Эмэгтэйчүүдийн Холбоо олон улсын эмэгтэйчүүдийн эрхийг хамгаалах өдөр Мартын-8-ны баярыг тохиолдуулан “Энэ хүүхнүүд үү” АСТ-ийг Уурхайчин соёлын ордны их танхимд 2015 оны 3 сарын 14-нд зохион явууллаа. Энэхүү тэмцээн нь 2010 оноос хойш 2 дахь удаагаа болж байгаа бөгөөд тэмцээнд 12 багийн 100 гаруй эмэгтэйчүүд амжилттай  оролцов.
1.    Цахилгаан цех – “Донж” баг
2.    Инженерийн зураг төслийн төв – “Япон чинжүү”
3.    Баяжуулах фабрик – “Хилэн хар”
4.    Эрчим хүчний цех – “Чандмань баг”
5.    Дулааны цахилгаан станц – “Сугар гарагийн бүсгүйчүүд”
6.    Төмөр замын цех – “Тэмүүлэл”
7.    Захиргаа аж ахуй – “Монгол хатад”
8.    Засвар механикийн завод – “ Цахирмаа”
9.    Судалгааны төв – “Яргуй Үжин”
10.    Эмнэлэг сувилалын алба – “Халбага-6”
11.    Барилга засварын цех – “4+4”
12.    Спорт ордон – “Элбэрэл”    
Энэхүү тэмцээнд бүсгүйчүүд маань өнгө ижилсэн гоёж, амжилттай  оролцсон бөгөөд тэднийг цехийнх нь хамт олон, найз нөхөд, гэр бүлийнхэн нь хөгжөөн дэмжихээр ирж УСО-ны их танхимыг дүүрэн үзэгчид цугласан байлаа.
АСТ-нд багууд Мэндчилгээ, “Хэрвээ би ... байсан бол” жүжигчилсэн тоглолт, хошин асуулт, хариулт гэсэн төрлөөр авъяас чадвараа сорьсон юм.  Тэмцээний тэргүүн байрыг Цахилгаан цехийн “ Донж” баг, 2-р байрыг Спорт ордны “Элбэрэл” баг, 3-р байрыг Эрчим хүчний цехийн “Чандмань” баг эзэлсэн бөгөөд тусгай байранд  ДЦС-ын “ Сугар гарагийн бүсгүйчүүд”, ЗМЗ-ын “Цахирмаа” багууд орлоо. “Энэ хүүхнүүд үү” тэмцээн нь бүсгүйчүүд өөрсдийн авьяас чадвараа хөгжүүлэх, бусдаасаа харилцан суралцах, бүсгүйчүүд өөрсдийн санал бодол , нийгмийн харилцааны шийдвэрлэвэл зохих асуудал дэвшүүлсэн үзэгдлүүдийн талаарх өөрсдийн дуу хоолойгоо урлаг, уран сайхнаар дамжуулан илэрхийлэхэд чухал ач холбогдолтой байдаг.