Өр барагдуулах алба байгуулагдсанаас хойш нэг жилийн хугацаанд Эрдэнэт үйлдвэр ХХК-д ажил үйлчилгээ, бараа материал нийлүүлэхээр урьдчилгаа төлбөр авч, гэрээний үүргээ биелүүлээгүй, хугацаа хэтэрсэн авлага үүсгэсэн 69 компаниас 30,7 тэрбум төгрөгийн өр авлага барагдуулжээ. Өр барагдуулах албаны хамт олон 154 компанид холбогдох 61,9 тэрбум төгрөгийн авлагыг барагдуулахаар анх ажилласан. Одоогоор нийт авлагын 50 хувийг барагдуулсан амжилттай ажиллаж байна. Түүнээс гадна 25 компани хуваарийн дагуу төлбөрөө барагдуулж явна. Харин гэрээний аргаар урьдчилгаа төлбөр авч зориулалтын бусаар ашиглан залилсан байж болзошгүй 8 компанийг хуулийн байгууллагаар шалгуулж байна. Мөн эзэн, хаяг нь тодорхойгүй, сураггүй 6 компанид Шүүхийн шийдвэр гар-гуулаад Цагдаагийн газартай хамтран эрэн сурвалжилж байгаа ажээ.