“Гуулин шонхор” ХХК-ийн амны хаалтны үйлдвэр Баян-Өндөр сумын Баянцагаан багт өнөөдөр нээгдлээ. Тус үйлдвэр 8 хүнийг ажлын байраар хангаж, өдөрт 7000 орчим амны хаалт үйлдвэрлэх юм. Тайвань улсын HD-KZ-205039 маркийн бүрэн автомат тоног төхөөрөмж нь эсгэх, оёх үйлдлийг өөрөө хийдэг онцлогтой. Амны хаалт хийдэг материалын бэлдэцийг Бразил болон Египетэд ургадаг хонхорцог, багваахай цэцгийн ургамлаас сүүн шүүс хэлбэрээр гарган авч тусгай технологиор боловсруулдаг аж.
“Гуулин шонхор” ХХК-ийн үйлдвэрлэж буй амны хаалт нь латекс материалыг хэд давхарлаж хийснээс хамааран агаарын бохирдлоос 4-50 дахин хамгаалдаг. Тиймээс үйлдвэр, аж ахуйн нэгжүүд өөрийн үйл ажиллагааны онцлогт тохируулан захиалах боломжтой юм. Шинэ үйлдвэрийн нээлтийн ёслолд “Эрдэнэт” үйлдвэр, “Ачит Ихт”, “Хөтөл”, “Бэрэн групп”, “Эрдэнэт хивс” ХХК-ийн удирдлагууд оролцсон. Амны хаалтны хоёр дахь үйлдвэр Эрдэнэт хотод үйл ажиллагаагаа эхлүүлж байгаа нь зах зээлийн шударга өрсөлдөөнийг бий болголоо. Нээлтийн үеэр “Эрдэнэт” үйлдвэрийн ХАБЭА-н хэлтсийн дарга Ч.Бямбаа хэлсэн үгэндээ ”Цагаан жим”-ийн өрсөлдөгч үйлдвэр үүдээ нээж байна. Өрсөлдөөний дүнд чанар сайжирч, үнэ хямдардаг. Бүтээгдэхүүний үндсэн загвар, бэхэлгээ сайн хийгдсэн харагдана. Бусдыг манай ажиллагчид үйлдвэр дээр туршина. Цаашид хорт хийн баг хийх үйлдвэр ашиглалтанд оруулаарай” гэж ерөөгөөд машины анхны товчлуурыг дарж ажиллуулав. 
Нар минутад мандаж минутад жаргана.
Үс засуулвал: 
Суудал: 
