Баяр наадмын өдрүүдэд Бүсийн оношилгоо эмчилгээний төвийн төрөх тасагт нийт 89 эх амаржжээ.Тэдний 45 нь хүү, 35 нь охин төрсөн байна. 7 сарын 11-12-ны өдөр хамгийн олон төрөлт байсан буюу 18 ээж амаржсан талаар тус эмнэлгийн эмч нар мэдээлэв. Харин хүүхдийн хүлээн авах тасгаар үйлчлүүлж, үзүүлж зөвлөгөө авсан нийт 729 хүүхдээс 29 нь эмнэлэгт хэвтэн эмчлүүлсэн байна. Одоогийн байдлаар тус тасагт 20 өвчтөн эмчлүүлж байгаа аж.
Түргэн тусламжийн 103 дугаарт нийт 490 дуудлага ирсэнээс бага насны хүүхдийн дуудлага 68, осол гэмтлийн 29, ханиад томуут өвчний 30, архидан согтууралтай холбоотой 83 дуудлага байсан бол Халдвартын тасгийн хүлээн авахад ирсэн 103 дуудлагын ихэнхид нь халууны тууралт гарах, бөөлжих, гүйлгэх зэрэг шинж тэмдгүүд давамгайлжээ. Тус эмнэлгийн эмч нарын хэлсэнчлэн эдгээр дуудлагын 50-иас дээш хувь нь Эрдэнэт хотоор дайран өнгөрч буй иргэд байжээ. Жилээс жилд баяр наадмын үеэр түргэн тусламжийн дуудлага эрс ихэсдэг. Энэ жилийн хувьд эмнэлгийн ачаалал, үйл ажиллагааны үеэр ямар нэгэн саатал гэмтэл гараагүй бөгөөд жижүүрийн эмч сувилагч нар хариуцлагатай, сайн ажилласан талаар Бүсийн Оношилгоо эмчилгээний төвийн удирдлага мэдээлэлдээ онцлов.
Ч.ЭНХМӨНХ
Нар минутад мандаж минутад жаргана.
Үс засуулвал: 
Суудал: 
