Иргэдэд хамгийн ойрхон ажилладаг засаг захиргааны анхан шатны нэгж бол баг юм. Тиймээс Эрдэнэт үйлдвэр ХХК, Орхон аймагтай хамтран ажиллах ажлын төлөвлөгөөнийхөө нэг хэсгийг “Хүний хөгжил багийн хөгжлөөс эхтэй” уриан дор хэрэгжүүлэх юм. Өөрөөр хэлбэл, улс орны хөгжил дэвшил аймаг орноос, аймаг орны хөгжил сумаас, сумын хөгжил багаас, гэр бүлээс шууд хамааралтай.
Өнгөрсөн сард Эрдэнэт үйлдвэр ХХК, Орхон аймгийн иргэдтэй болон “Уурхайчдын нийгмийн асуудал” сэдвээр зөвлөлдөх уулзалтуудыг зохион байгуулж, хүний хөгжлийн чиглэлээр хийж хэрэгжүүлэх ажлын төлөвлөгөө, баримтлах бодлогоо тодорхойлсон. Энэ дагуу Орхон аймагтай хамтран олон үйл ажиллагаа эхлүүлж байгаагийн нэг нь Эрдэнэт үйлдвэрийн цех нэгжүүд, Баян-Өндөр сумын багуудтай “хөршийн харилцаа”-тай хамтран ажиллах санаачилга юм. Цаашид үйлдвэрийн газар, хэлтсүүд, багууд санаачилга гаргаж үр дүнд хүрэх ёстой. Үр дүнг бид урамшуулахад бэлэн байгаа. Бичиг баримт бол эхлэл. Жилийн дараа өнөөдөр хамтран ажиллахаар болсон талууд бодит үр дүнд хүрсэн байхыг хүсэж байна. Энэ бүхэн Эрдэнэтчүүдийн сайн сайхны төлөө хэрэгжүүлж буй цогц бодлого гэдгийг Эрдэнэт үйлдвэр ХХК-ийн Ерөнхий захирал Х.Бадамсүрэн хэлсэн үгэндээ онцоллоо.
Өнөөдөр Орхон аймаг болон Эрдэнэт үйлдвэр ХХК-ийн удирдлагууд “хөршийн харилцаа” тогтоож, хамтран ажиллах гэрээ байгуулсан үйлдвэрийн цех нэгж, багуудад батламж гардуулав. Баян-Өндөр сум нийт 23 багтай. Харин Эрдэнэт үйлдвэрийн 16 цех, газар хэлтсүүд хамтын ажиллагааны гэрээ байгуулав.
“Хөршийн харилцаа”-тай хамтран ажиллах гэрээний дагуу үйлдвэрийн цех нэгж, багууд хотын төв болон гэр хорооллын зам талбай засах, иргэдийн чөлөөт цаг, амрах орчныг тохижуулах зэрэг хүний хөгжилд чиглэсэн бүхий л ажил, бүтээн байгуулалтыг хамтран хийх юм. Мөн орон нутгийн өмнө тулгамдаж буй дэд бүтэц болон бусад хүндрэл бэрхшээлийг хөршийн найрсаг харилцааны хүрээнд хамтран шийдэж, дэм дэмэндээ дээс эрчиндээ гэдэгчлэн дэмжлэг туслалцаа үзүүлнэ. Анхан шатны нэгж байгууллагуудын энэхүү нягт хамтын ажиллагаа нь Орхон аймгийн хөгжил дэвшил, Эрдэнэтчүүдийн аж амьдралд томоохон ахиц авчирна гэдэгт итгэлтэй байгааг орон нутгийн удирдлагууд энэ үеэр тэмдэглэн хэлэв.
Нар минутад мандаж минутад жаргана.
Үс засуулвал: 
Суудал: 
