Ил уурхай, Засвар угсралтын цех, Эрдмин компани хамтран өнгөрсөн амралтын өдөр хүдрийн наймдугаар овоолгын дэргэдэх бассейнаас 12-р овоолгын бассейн руу “ногоон ус”-ыг насосаар шахаж эхлэв. Энэхүү ажлыг манай үйлдвэр Эрдмин компанитай хамтран анх удаа хийж байгаа бөгөөд 7 хоног үргэлжлэх юм. Бассейн дүүрч хүндрэлтэй байдал үүсэхээс сэргийлэн ийнхүү ажиллаж байгааг мэргэжилтнүүд ярилаа. Хур тунадасны нөлөөгөөр овоолгоос шүүрэх төрөл бүрийн металл агуулсан хүчиллэг усыг гурван жилийн өмнөөс ийнхүү бассейнд цуглуулах болсон байна. “Ногоон ус” нь мал, байгаль орчинд хортой бөгөөд манай үйлдвэрийн баяжуулах процесст муу нөлөөтэй аж. Харин Эрдмин компанийн уусгалтын технологит энэхүү ус тохирдог аж. Бассейн тус бүр 40 мянган шоо метрийн багтаамжтай. Газарзүйн байршлын хувьд наймдугаар овоолгоос Эрдмин компани руу шахах боломжгүй учраас ийнхүү 12-р овоолгын бассейн руу шилжүүлэв. Өнгөрсөн жил Эрдмин компани 12-р овоолгын бассейны усыг авчээ.
Нар минутад мандаж минутад жаргана.
Үс засуулвал: 
Суудал: 
