Эрдэнэт үйлдвэр ХХК-ийн Ерөнхий механикийн хэлтсийн 40-н жилийн ойн хүрээнд тус хэлтсээс олон талт үйл ажиллагааг зохион байгуулж байна.
Энэ хүрээнд үйлдвэрийн нийт цех нэгжүүдийн гүүрэн кранчдын ажил мэргэжлийн уралдааныг зохион байгуулж, мэргэжлийн дадлага болон онолын мэдлэг, чадвараар нь үнэлэлт өгөв. Мөн үйлдвэрийн нийт механикуудын дунд “Центавр” танин мэдэхүйн тэмцээнийг явуулжээ. Тус хэлтсийн хамт олон үйлдвэрийн үндсэн тоног төхөөрөмжийн их засвар болон төлөвлөгөөт бусад засвар үйлчилгээний ажилд хяналт тавин ажиллаж байгаагийн зэрэгцээ шинээр мастер, бригадын дарга болсон ажилтнуудын ур чадварыг нэмэгдүүлэх, харилцан туршлага солилцох ач холбогдол бүхий сургалтуудыг үе шаттай зохион байгуулж байна.
Ажилчидтай хамгийн ойр байдаг анхан шатны удирдах шатны ажилтнууд бол мастер, бригадын дарга нар байдаг. Иймээс эдгээр ажилтнуудын мэдлэгийг дээшлүүлэх, ажилчидтайгаа хэрхэн зөв ажиллах арга барил, дадлагыг эзэмшүүлэх нь чухал гэж сургалтыг зохион байгуулагчид онцлов.
Нар минутад мандаж минутад жаргана.
Үс засуулвал: 
Суудал: 
