“Эрдэнэтийн бал” бүжгийн наадам 23 дахь жилдээ зохион байгуулагдлаа

     Уурхайчин соёлын ордноос жил бүр зохион байгуулдаг “Эрдэнэтийн бал бүжгийн наадам 23 удаагаа болж, аваргуудаа тодруулав. “Эрдэнэтийн бал-2017” бүжгийн наадмыг энэ удаа Уурхайчин соёлын ордонтой хамтран, аймгийн ЗДТГ, Боловсрол соёл урлагийн газрууд дэмжин зохион байгуулжээ. Тус наадмын ерөнхий зохион байгуулагч  Орхон аймгийн бүжгийн спортын “Оюу” холбоо анх удаа бүжгийн олон урсгалыг нэвтрүүлж, бүжиг сонирхогчдыг нээлттэйгээр олорцуулсан нь үзэгчдийн таашаалыг хүлээж, бүжгээр хичээллэгч хүүхэд залуусын тоог нэмэгдүүлсэн байна. “Эрдэнэтийн бал-2017” бүжгийн наадамд 680 гаруй бүжигчид оролцжээ.
     “Эрдэнэтийн бал-2017” бүжгийн наадамд хот, орон нутгийн 40 орчим байгууллагын бүх насны  бүжигчид оролцсон бөгөөд ажилчин залуус насны ангилалд Эрдэнэт үйлдвэр ХХК-ийн Тээвэр ложистикийн албаны арга зүйч М.Сүхбаатар, Буянхишиг, Төслийн менежментийн хэлтсийн арга зүйч Ө.Молор-Эрдэнэ, Гал унтраах 058-р ангийн арга зүйч  Бат-Итгэл нарын удирдсан хамтлаг бүжигчид амжилттай оролцож, шагналт байранд шалгарсан байна. “Эрдэнэтийн бал” бүжгийн наадмын цар хүрээ жилээс жилд өргөжиж, төвийн бүсийн аймгуудын бүжгийн хамтлаг бүжигчид олноор оролцох болсон нь наадмын төрөл ангиллыг нэмэгдүүлж, агуулгыг илгг өргөн болгосонтой холбоотой гэж зохион байгуулагчид нь ярилаа.