Эрдэнэт үйлдвэрийн ажилчдад халуун хоолоор үйлчилдэг “Од дөл” компанийн хамт олон МХЕГ-ын үзлэг шалгалтаар ямар нэгэн зөрчил дутагдалгүй гэж дүгнэгджээ. МХЕГ-аас хийсэн иж бүрэн шалгалтанд Орхон аймгийн 46 байгууллага, аж ахуйн нэгж хамрагдсан бөгөөд тэдгээрээс нэг ч зөрчил дутагдлын акт, албан шаардлага аваагүй байгууллага нь “Од дөл” компани болсон байна. Тус компанийн хамт олон хоол үйлдвэрлэлийн технологитоо олон улсын чанарын стандартыг нэвтрүүлэн хэрэгжүүлж буй нь ийм үнэлэлтийг авчирчээ.
Мөн тус компанийн ерөнхий тогооч А. Цэрэнчимэгийн санаачилгаар үйлдвэрийн ажилчдад чанартай хоол хүнсээр дамжуулан эрүүл мэндийн боловсрол олгох, эрүүл, зөв зохистой хооллох нь эрүүл байх гол үндэс гэдгийг ойлгуулан хэвшүүлэх зорилгоор шат дараатай олон үйл ажиллагааг зохион байгуулж байна. Үүний нэг нь “Халгай идэж хаврын ядаргаагаа тайлая” уриан дор болсон өдөрлөг юм. Өдөрлөгийн хүрээнд үйлдвэрийн ажилчдад халгайгаар амталсан төрөл бүрийн хоол, хүнс, цай, талх зэргээр үйлчлэв. Хаврын халгайг бүх төрлийн ужиг хууч өвчин, биеийн эсэргүүцэл суларсан үед Монголчууд өргөн хэрэглэж ирсэн уламжлалтай. Иймээс тус хамт олон хаврын энэ өдрүүдэд чийг бам, витамины дутагдал, элэг, цөс, ходоод үе мөчний өрөвслийн үед ач тустай халгайгаар хоол хүнс хийж, ажилчдадаа үйлчилжээ.
Хаврын улиралд нялх халгай хэрэглэж байвал витамин С-г нөхөж авахаас гадна тархины судасны нарийсал, үс уналтыг зогсоох, бие сульдаж тамирдахад ихээхэн ач тустай байдаг тухай зөвлөмжийг өдөрлөгийн үеэр ерөнхий тогооч А.Цэрэнчимэг ажилчдад өгсөн байна.
Нар минутад мандаж минутад жаргана.
Үс засуулвал: 
Суудал: 
