Эрдэнэт үйлдвэр ХХК-ийн Ил уурхай болон Авто тээврийн байгууллагын техникийн бэлэн байдал, тасралтгүй, аюулгүй ажиллагааг хангах тухай Ерөнхий захирлын тушаалыг хэрэгжүүлэх хүрээнд цех нэгжүүд ажлын төлөвлөгөө гарган ажиллаж байна.
Ерөнхий захирлын энэхүү тушаалын зорилго нь үйлдвэрлэлийн өнөөгийн байдал, тулгамдаж байгаа асуудал, үндсэн тоног төхөөрөмжийн ашиглалт, технологийн түүхий эд материал, сэлбэг хэрэгслийн захиалга, бэлтгэн нийлүүлэлтийн байдалд цаашид авч хэрэгжүүлэх ажлыг эрчимжүүлэхэд чиглэгджээ.
Эрдэнэт үйлдвэр ХХК-ийн стратеги зорилтын хүрээнд жил бүрийн бизнес төлөвлөгөөний дагуу техникийн шинэчлэл, их засварын ажлыг гүйцэтгэж байсан боловч дэлхийн зах зээл дээр зэсийн үнийн бууралттай холбоотойгоор орлого буурсан, макро эдийн засгийн өсөлт зогсонги байдалд орсон зэргээс шалтгаалан сүүлийн жилүүдэд техник тоног төхөөрөмж, машин механизмын шинэчлэл их засварын ажлууд удаашралтай байв. Тухайлбал, өнөөдрийн байдлаар Ил уурхайд уулын хүнд техник, машин механизм, тоног төхөөрөмжийн хүрэлцээ, хангамж хүндэрч, нийт 55 нэгж техникийн 29 хувь буюу 16 нь ашиглалтын хугацаа дуусчээ. Мөн 10 хувь буюу 6 нь сэлбэггүйн улмаас зогсоод байгаа юм. Ил уурхайн хамт олон эдгээр асуудлыг шийдвэрлэхээр шат дараатай ажил төлөвлөн холбогдох цех нэгжүүдтэй хамтран ажиллаж байна.
Нар минутад мандаж минутад жаргана.
Үс засуулвал: 
Суудал: 
