Эрдэнэт үйлдвэр ХХК-ийн Ерөнхий захирал Х.Бадамсүрэн болон бусад удирдах ажилтнуудын үйлдвэрийн цех нэгжүүдийн үйл ажиллагаатай танилцах уулзалт үргэлжилж байна. Энэхүү уулзалт нь үйлдвэрлэлийн үйл ажиллагаатай газар дээр нь танилцаж , тулгамдаж буй асуудлыг цаг алдалгүй шийдэх зорилготой юм.
Өнгөрсөн Даваа гаригаас эхлэн Ил уурхай, Авто тээврийн байгууллага, Баяжуулах фабрик, Засвар механикийн заводаар орж, техник тоног төхөөрөмжийн ашиглалтын байдал, үйлдвэрлэл хэвийн үйл ажиллагаанд тулгамдаж байгаа асуудлыг ярилцаж, тодорхой шийдэлд хүрсэн бол өнөөдөр Геологи хайгуулын анги, Ган бөмбөлгийн цехэд ээлжит уулзалтаа үргэлжлүүлэв. Энэ үеэр дээрх цехүүдийн өнөөгийн байдалтай танилцаж, хүндрэл бэрхшээл, үйлдвэрлэлийн тасралтгүй үйл ажиллагаанд нөлөөлөхүйц хүчин зүйлсийн талаар ярилцаж, тэдгээрийг яаралтай шийдэх боломж, гарцын талаар санал солилцсон байна.
Үйлдвэрлэлийн хэвийн жигд үйл ажиллагааг ханган ажиллах нь тус үйлдвэрийн ажилтан бүрийн хамгийн чухал үүрэг гэдгийг уулзалтын үеэр Ерөнхий захирал онцолж, цех нэгжийн ажил байдалтай биечлэн танилцах уулзалт цаашид үргэлжилнэ гэж ярилаа.
Нар минутад мандаж минутад жаргана.
Үс засуулвал: 
Суудал: 
