Эрдэнэт үйлдвэр ХХК-ийн ХАБЭАБОХХэлтсээс долоо хоног бүрийн Лхагва гарагийг Манлайллын өдөр болгон, ХАБЭА хариуцсан ажилтнуудын дунд уулзалт зохион байгуулдаг уламжлалтай. Ээлжит Манлайллын уулзалт өчигдөр болж, цех нэгжүүдийн ХАБЭА хариуцсан ажилтнууд санал бодлоо солилцов.
Энэ удаагийн уулзалтаар 2017 оны 4-р сард өрнүүлж буй “ХАБЭА-н соёлыг ажлын байранд нэвтрүүлье” нэг сарын аяны явц, төлөвлөгөөт ажлын хэрэгжилт болон 4-р сарын 11,12-ны өдрүүдэд Улаанбаатар хотноо болсон “Нэн түрүүнд ХАБ-2017” бага хурлын тайлан мэдээллийг холбогдох ажилтнууд дэлгэрэнгүй танилцууллаа. Энэ үеэр “Хөдөлмөрийн аюулгүй байдал эрүүл ахуйн соёлыг ажлын байранд нэвтрүүлье” сарын аяны хүрээнд цех нэгжүүд тусгайлан гаргасан хөтөлбөрийн дагуу олон талт ажлууд хийж байгааг ХАБЭА-н ажилтнууд мэдээлэв.
“Нэн түрүүнд ХАБ-2017” бага хуралд Эрдэнэт үйлдвэр ХХК-иас 8 төлөөлөгч оролцсон байна. Тус бага хурлын үйл ажиллагаан дээр Эрдэнэт үйлдвэр ХХК-ийн ХАБЭА-н 5 ажилтанд “ХАБ-н Мэргэшсэн ажилтан” гэрчилгээ олгосныг уулзалтын үеэр онцлов. Монгол улсын хэмжээнд ХАБЭА-н чиглэлээр мэргэшсэн 40 гаруй ажилтан байдаг ажээ. Манлайллын уулзалтын төгсгөлд ХАБЭАБОХХ-ээс “ХАБЭА-н соёлыг ажлын байранд нэвтрүүлье” сарын аяны ажлыг цех нэгж бүр үр дүнтэй зохион байгуулж, “Нэн түрүүнд ХАБ-2017” бага хурлаас гарсан зөвлөмж шийдвэрийг хэрэгжүүлж ажиллах талаар ХАБ-ын ажилтнуудад үүрэг чиглэл өглөө.
Нар минутад мандаж минутад жаргана.
Үс засуулвал: 
Суудал: 
