Эрдэнэт үйлдвэр ХХК-ийн бүтцийн цех нэгжүүд мягмар гараг бүр удирдах ажилтны ээлжит шуурхай зөвлөгөөн хийж, шинэ 7 хоногийн ажлаа төлөвлөдөг.
Өнөөдөр Засвар механикийн заводын шуурхай зөвлөгөөн болж, өнгөрсөн 7 хоногт тус цех хөдөлмөрийн аюулгүй байдал эрүүл ахуйн ямар нэгэн зөрчилгүй, хэвийн ажиллаж, үйлдвэрлэлийн төлөвлөгөөт даалгаваруудаа амжилттай биелүүлж байгааг Үйлдвэр техникийн албанаас мэдээлэв. Эрдэнэт үйлдвэр ХХК-ийн хэмжээнд ажилчдын урлагийн их наадам болж байгаатай уялдуулан наадамд оролцож байгаа ажилчдыг албан ёсоор ажлаас нь чөлөөлөн амжилттай оролцуулах боломжоор хангасныг мөн энэ үеэр онцоллоо.
Засвар механикийн заводын хамт олон өөрсдийн үндсэн үйл ажиллагааны нэг болох импорт орлох бүтээгдэхүүн үйлдвэрлэлийг нэмэгдүүлж, гадаадаас өндөр үнэтэй авдаг тоног төхөөрөмжүүдийг дотооддоо үйлдвэрлэн эдийн засгийн хувьд хэмнэлт гарган ажиллах зорилтоо энэ онд ч үргэлжлүүлж байна. Өнөөдрийн байдлаар Liebherr эксковаторын шанагыг хугацаанд нь хүлээлгэж өгөхөөр бэлэн болгожээ. Түүнчлэн үйлдвэрийн цех нэгжүүдийн захиалгаар тоног төхөөрөмжийн эд ангиудыг чанартай үйлдвэрлэж байгааг шуурхай зөвлөгөөн дээр мэдээлэв.
Зөвлөгөөний төгсгөлд цехийн удирдлагын зүгээс үйлдвэрийн Ерөнхий захирлын тушаалын дагуу хийгдэх хавар зуны бэлтгэл ажлын төлөвлөгөөг сайн биелүүлж, хөдөлмөрийн аюулгүй байдал эрүүл ахуйн өндөр түвшинд гүйцэтгэх чиглэл өглөө.
Нар минутад мандаж минутад жаргана.
Үс засуулвал: 
Суудал: 
