Эрдэнэт үйлдвэр ХХК-ийн удирдах ажилтнууд үйлдвэрийн цех нэгжүүдийн үйл ажиллагаатай танилцаж, хавар зуны улирлын бэлтгэл ажлын явцтай газар дээр нь үзэж танилцаж байна.
Өнгөрсөн Даваа гаригт Ил уурхай, Авто тээврийн байгууллагын хэсэг нэгжүүдээр орж, тоног төхөөрөмжийн ашиглалт, үйлдвэрлэлд тулгамдаж буй асуудлын талаар ярилцаж, тодорхой шийдэлд хүрсэн бол өнөөдөр Баяжуулах фабрикийн Өөрөө нунтаглах хэсгийн үйл ажиллагаатай танилцав. Мөн тус цехийн мэргэжилтнүүд ойрын үед нэн шаардлагатай тоног төхөөрөмжийн хангамж болон үйлдвэрлэлд хүндрэл учруулж болзошгүй хүчин зүйлсийн тухай санал бодлоо солилцсон юм.
Энэ үеэр Ерөнхий захирал Х.Бадамсүрэн үйлдвэрлэлийн хэвийн жигд, тасралтгүй ажиллагаанд чухал шаардлагатай техник тоног төхөөрөмж, машин, механизмуудын ашиглалтыг сайжруулах, сэлбэг хэрэгслээр цаг тухайд нь хангаж байхыг холбогдох албаны хүмүүст үүрэг болгов. Эрдэнэт үйлдвэр ХХК-ийн удирдлагууд маргааш буюу Лхагва гаригт Засвар механикийн заводын үйл ажиллагаатай танилцахаар төлөвлөжээ.
Нар минутад мандаж минутад жаргана.
Үс засуулвал: 
Суудал: 
