Өнгөрсөн мягмар гарагт “Уурхайчин” соёлын ордны бага танхимд “Эрдэнэт” үйлдвэрийн бүтээмж чанарын дугуйлангийн гишүүд мэдлэг, тэргүүн туршлагаа хуваалцаж харилцан мэдээлэл солилцох өдөрлөг зохион байгуулагдав. Мэдлэг хуваалцах үйл ажиллагаа нь үндсэн хоёр хэсгээс бүрдсэн бөгөөд эхний үед Засвар механикийн заводын Н.Баярхүү ахлагчтай “Ус-Эрдэнэ”, Цахилгаан цехийн Г.Болдбаатар ахлагчтай “Сүлжээ”, Холбоо мэдээлэл, техник автоматжуулалтын цехийн Н.Алтансувд ахлагчтай “Нанотех”, Ш.Отгонбилэгийн нэрэмжит Технологийн сургуулийн Г.Оюунсүрэн ахлагчтай “Энержи” бүтээмж чанарын дугуйлангийнхан тэргүүн туршлагаа хуваалцаж, багаар ажиллах арга барил болон хэрэгжүүлсэн төсөлт ажлуудаа танилцуулсан юм.
Дараагийн хэсэгт асуулт, хариултын “OPEN MIND” тэмцээн явагдлаа. Уг тэмцээнийн зорилго нь өдөрлөгт оролцогчдод “тархины чадамжаа хэрхэн нэмэгдүүлэх” тун сонирхолтой арга техникүүдийг танилцуулж эзэмшүүлэхэд чиглэгдсэн. Тэмцээнд дугуйлан бүрээс 2 гишүүн оролцсон бөгөөд ХМТАЦ-ийн “Нанотех” бүтээмж чанарын дугуйлан тэргүүлж, удаах байрт ЗМЗ-ын “Ус-Эрдэнэ”, Технологийн сургуулийн “Энержи” дугуйлангууд шалгарч зохион байгуулагчдын зүгээс гэр бүлийн хамт УСО-д үзвэр үзэх эрхийн бичиг гардав.
Энэхүү өдөрлөгийг Засвар механикийн завод, Авто тээврийн цех, Цахилгаан цех, Холбоо мэдээлэл, техник автоматжуулалтын цех, Ш.Отгонбилэгийн нэрэмжит Технологийн сургууль, “Уурхайчин” соёлын ордон Хөгжлийн хэлтсийн Инновацийн төвтэй хамтран зохион байгуулж нийт 120 ажилтан оролцлоо.
Нар минутад мандаж минутад жаргана.
Үс засуулвал: 
Суудал: 
