“Эрдэнэт” үйлдвэрийн удирдлагууд өнөөдөр уулын тээврийн технологийн талаар Орос, Герман, Болгар зэрэг гадны улс орнуудад судалгаа хийсэн ажлын хэсгүүдийн танилцуулга мэдээллийг сонсож, санал солилцлоо. “Эрдэнэт” үйлдвэрт Белаз маркийн 130 тоннын даацтай 23 өөрөө буулгагч автомашинаар уулын цул тээвэрлэх ажлыг гүйцэтгэдэг. Хүдрийн ил уурхайд хүдэр олборлолтын өөрийн өртгийн тал нь буюу 50 орчим хувийг технологийн тээвэр эзэлдэг бөгөөд үүн дотроо дизелийн түлшний зардал 60 хувийг эзэлдэг юм. Энэ зардал цаашид уурхай гүнзгийрэх тусам нэмэгдэнэ. Дэлхийн уул уурхайн компаниудын тэргүүн туршлагаар уурхай 100 метрээс гүн, тээвэрлэлтийн зай 5 км-ээс дээш болсон тохиолдолд Мөчлөгт-урсгалт технологийн системийг нэвтрүүлдэг байна. Энэ технологи нь хүдрийг уурхайн гүнд, анхдагч бутлуураар буталж, конвейрийн тээврээр уурхайн гадаргуу руу тээвэрлэх юм. Ингэснээр мөргөцгөөс бутлуур хүртэлх тээвэрлэлтийн зай 1-1,2 км-ээс хэтрэхгүй. Мөчлөгт-урсгалт технологийн системийг нэвтрүүлснээр одоогийн тээвэрлэлтийн зардлыг 40 орчим хувиар багасгаж, хүдэр олборлолтын өөрийн өртгийг бууруулна. Уулын тээвэрт мөчлөгт урсгалт технологийг нэвтрүүлэх эдийн засгийн тооцоо судалгааг ирэх 2015 оны хоёрдугаар сарын нэгний дотор эцэслэн гаргаж, дэлхийн шилдэг технологийг үйлдвэртээ нэвтрүүлэхээр боллоо.
Нар минутад мандаж минутад жаргана.
Үс засуулвал: 
Суудал: 
