2017 онд Монгол улсад Уул уурхайн салбар үүсэж хөгжсөний 95 жилийн ой тохиож байна. Уул уурхайн яамнаас ойн хүрээнд олон бүтээлч ажил төлөвлөн хэрэгжүүлж буй бөгөөд Хангайн, Говийн, Баруун, Зүүн гэсэн 4 бүсийн зөвлөгөөнийг энэ онд зохион байгуулах аж. Үүний нэг Хангайн бүсийн зөвлөгөөн ирэх 4 дүгээр сард Эрдэнэт үйлдвэр ХХК-ийг түшиглэн Орхон аймагт болно.
Энэ талаар Эрдэнэт үйлдвэр ХХК-ийн Ерөнхий захирал Х.Бадамсүрэнгээс тодруулахад, “Бүсийн зөвлөгөөнөөр бид уул уурхайн салбарынхаа өнөөгийн байдал, хэтийн төлөвийн талаар нарийвчлан ярилцана. Зөвлөгөөн болох бүсүүдэд эрдэс баялаг, уул уурхайн салбарыг яаж зөв хөгжүүлэх вэ, ингэснээр бүс нутгийн хөгжилд ямар үр өгөөжтэй байх вэ гэдэг асуудлыг авч үзнэ. Зөвлөгөөнд тус бүсэд орших аймаг орон нутгийн удирдлага болон тухайн тойргоос сонгогдсон Улсын их хурлын гишүүдийг урьж оролцуулахаар төлөвлөж байна. Үүний учир нь эрдэс баялгийн салбарын талаар бүхий л түвшинд үнэн зөв мэдээлэлтэй, цэгцтэй ойлголттой болох, улмаар үндэсний хэмжээнд энэ тухай нэгдсэн байр суурьтай байх боломж бүрдэнэ гэж харж байгаа юм. Тиймээс бүсийн зөвлөгөөн нь бидний тавьж буй зорилтуудыг амьдралд бодитой хэрэгжүүлэхэд түлхэц өгсөн, өндөр ач холбогдолтой үйл ажиллагаа болно гэдэгт итгэлтэй байна” гэсэн юм.
Нар минутад мандаж минутад жаргана.
Үс засуулвал: 
Суудал: 
