Өнгөрсөн 2016 онд хамт олноо хошуучлан, идэвх санаачилга, үр бүтээлтэй ажиллаж хөдөлмөрийн өндөр амжилт гаргасан тэргүүний ажилтнуудыг алдаршуулах зорилгоор Баяжуулах үйлдвэрийн даргын тушаал гарч, тус цехийн нэр бүхий 20 ажилтныг гал бичин жилийн “Хөдөлмөрийн аварга”-аар өргөмжилж, хүндэт самбарт зургийг нь байршуулах хүндэтгэлийн ажиллагаа Оюу танхимд боллоо.
Хүндэтгэлийн үйл ажиллагааны эхэнд Баяжуулах үйлдвэрийн Ерөнхий инженер Атакуев Аслан Алиевич, Үйлдвэр техникийн албаны дарга Б.Намуунгэрэл нар үг хэлж, өнгөрсөн оны амжилт ололтоос онцлон, хамт олондоо хандаж баяр хүргэсэн юм. Мөн тус үйл ажиллагаанд Техникийн хэлтсийн орлогч дарга В.Өлзийхутаг, ХАБЭАБОХХ-ийн дарга Д.Цагаан-Эрдэнэ, Захиргаа, хүний нөөцийн хэлтсийн орлогч дарга Д.Мөнхболд нар хүрэлцэн ирж хөдөлмөрийн аваргуудад шагналыг гардууллаа. Энэ үеэр Баяжуулах үйлдвэрийн ажиллагсдаас бүрдсэн морин хуурын чуулга тус цехийн мастер, Монгол улсын Ардын авьяастан Д.Бат-Эрдэнийн удирдлаган дор Ардын жүжигчин, хөгжмийн зохиолч Н.Жанцанноровын “Цагаан суварга” аялгууг тоглосон нь үйл ажиллагааны нэгэн сайхан үзүүлбэр болов.
Баяжуулах үйлдвэрийн хамт олон улиран одож байгаа гал бичин жилд үйлдвэрлэлийн төлөвлөгөөт үзүүлэлтийг бүх төрөл дээр нь давуулан биелүүлсэн. Энэхүү амжилт бол тус үйлдвэрийн нийт хамт олны, тэр тусмаа бусдыгаа хошуучлан ажилласан манай хөдөлмөрийн аваргуудын нөр их зүтгэлийн үр дүн юм гэж Үйлдвэр техникийн албаны дарга Б.Намуунгэрэл тодотгосон юм. Баяжуулах үйлдвэрийн 2016 оны “Хөдөлмөрийн аварга”-аар Бутлан тээвэрлэх хэсгийн бутлуурчин Г.Наранбаатар, мөн хэсгийн хийн ба цахилгаан гагнуурчин Б.Оюунбаатар, Засварын хэсгийн тоног төхөөрөмжийн засварчин Р.Баярсайхан, хийн ба цахилгаан гагнуурчин Г.Эрдэнэсайхан, Өөрөө нунтаглах хэсгийн краны машинч П.Янживсүрэн, тээрмийн машинч С.Сүхбаатар нарын 20 хүн тодорч, шагналаа гардан авлаа.
Нар минутад мандаж минутад жаргана.
Үс засуулвал: 
Суудал: 
