2016 онд Эрчим хүчний цехийн хамт олон 18,9 сая метр куб цэвэр ус олзворлон, түгээж, 81,2 сая метр куб эргэлтийн ус, 7 сая 38 мянган метр куб бохир усыг татан зайлуулах ажил хийжээ. Жилийн турш үйлдвэрлэж түгээсэн хүчилтөрөгчийн хэмжээ 117, 1 мян метр куб, ацетилины хэмжээ 32,3 мянган метр куб байсан байна. Энэ бол тус цехийн хамт олны хувьд өнгөрсөн жилийн ажлынх нь тоон үзүүлэлт юм. Эрчим хүчний цехийн 2016 оны хамгийн том бүтээн байгуулалтаар эргэлтийн усны 3 дахь шугам, эргэлтийн усны 10 мянган метр куб хэмжээтэй хоёр шинэ усан санг нэрлэж болно. Эдгээрийг ашиглалтад оруулж, технологийн горимын тохиргоог өөрсдөө хийх болсноор цаашид жилд 1,3 тэрбум төгрөгийн хэмнэлтийг гаргах боломж бүрдсэн байна.
Цэвэр ус олзворлож, түгээх, бохир ус татан зайлуулах ажлууд ихэвчлэн алдагдал хүлээсээр ирсэн. Өөрөөр хэлбэл, хүн амд түгээж байгаа усны үнэ, дээрх үйл ажиллагааны өөрийн өртгөөс доогуур батлагдсантай холбоотой юм. Энэ зөрүүнээс шалтгаалаад, өнгөрсөн онд л гэхэд тус цех 875 сая төгрөгийн алдагдалтай ажилласан байна. Харин өнгөрсөн 8 сарын 1-ний өдрөөс цэвэр, бохир усны үнийг бага хэмжээгээр нэмэгдүүлж ажилласны үр дүнд борлуулалтын орлогыг 456 сая төгрөгөөр нэмэгдүүлэх бодит боломж бий болгожээ. Хэрэв ингэж нэмэгдүүлээгүй, хуучин үнэ тарифыг мөрдөж байсан бол урьдчилсан тооцоогоор Эрдэнэт үйлдвэр жилд 1,3 тэрбум төгрөгийн алдагдлыг хүн ам, аж ахуйн нэгжид түгээж буй цэвэр ус, татан зайлуулж байгаа бохир уснаас хүлээх байжээ. Үүнийг бууруулж 875 сая төгрөг болгож чадсан нь Эрчим хүчний цехийн нэг том хэмнэлт болсон байна.
Ирэх онд тус цехийн өмнө шугам сүлжээний шинэчлэлийн асуудал, цэвэрлэх байгууламжид ямар түвшний шинэ технологи нэвтрүүлэх вэ гэдгийг шийдэх том зорилт тавигдаж байна. Тиймээс Эрчим хүчний цехийн хамт олон оны эхнээс шат дараалсан төлөвлөгөө хэрэгжүүлэн эхэлжээ.
Нар минутад мандаж минутад жаргана.
Үс засуулвал: 
Суудал: 
