Баяжуулах үйлдвэрийн төлөвлөгөө биелэх нь Лаборатори, судалгааны төвийн үйл ажиллагаа сайн байгааг харуулах давхар үнэлгээ болдог. Тиймээс өнгөрсөн онд Баяжуулах үйлдвэр үйлдвэрлэлийн төлөвлөгөөгөө давуулан биелүүлсэн нь Лаборатори, судалгааны төвийн ажлыг “онц” дүнтэй үнэлэгдэх нэг хүчин зүйл болсон гэж төвийн удирдлагууд онцлов. Эрдэнэт үйлдвэр ХХК-ийн Лаборатори, судалгааны төв үндсэн 2 чиглэлээр ажилладаг. Эхний чиглэл нь Баяжуулах үйлдвэрийн технологийн үйл ажиллагааг бүрэн гүйцэд биелэхэд хяналт тавихын зэрэгцээ туршилт судалгаа хийж, зөвлөмж өгдөг бол дараагийнх нь Эрдэнэт үйлдвэрийн хөгжлийн асуудал, бүтээгдэхүүний нэр төрлийг олшруулах, өртөг зардлыг бууруулах чиглэлээр судалгаа шинжилгээ хийж, үр дүнг нь үйлдвэрлэлд нэвтрүүлэхэд чиглэгддэг байна. Энэхүү чиг үүргүүдээ өнгөрсөн онд сайн хэрэгжүүлсэн учир тус цехийнхэн үр дүнгийн тайлангийн хурлаар “онц” дүнтэй үнэлэгдэв.
Одоогийн байдлаар Лаборатори, судалгааны төвд технологийн хаягдлыг бууруулах чиглэлд судалгааны ажил хийгдэж байна. Энэ ажил 2017 онд үргэлжлэх юм. Мөн тус төвийнхөн Баяжуулах үйлдвэртэй хамтран Молибдений үндсэн флотацийн 1-р цэвэрлэгээний хаягдлыг гидрометаллургийн аргаар боловсруулах судалгаа, цэвэрлэх байгууламжийн цэвэрлэгдсэн усны халдваргүйжүүлэлтэд электрокоагуляцийн аргыг ашиглах боломжийн судалгаа зэрэг 32 чиглэлийн ажлыг энэ онд хийхээр төлөвлөжээ.
Нар минутад мандаж минутад жаргана.
Үс засуулвал: 
Суудал: 
