2016 онд Баяжуулах үйлдвэрийнхэн үйлдвэрлэлийн төлөвлөгөөт үзүүлэлтээ 101-145 хувиар давуулан биелүүлсэн байна. Үүнд төлөвлөснөөс 580 мянган тонн хүдэр илүү боловсруулж, 6549 тонн зэсийг зэсийн баяжмалд, 802 тонн молибденийг молибдений баяжмалд илүү үйлдвэрлэсэн байна. Ингэснээр Эрдэнэт үйлдвэрт төлөвлөснөөс илүү орлого олох нөхцөл боломжийг бүрдүүлэв. Мөн үйлдвэрлэлийн найдвартай ажиллагааг хангах, техник технологийг шинэчлэх, өртөг зардлыг бууруулах чиглэлээр цогц бодлого баримтлан хэрэгжүүлж ажиллажээ. Хэмнэлтийн бодлогын хүрээнд нормчлогдсон болон туслах материалуудыг хэмнэх чиглэлээр Баяжуулах үйлдвэрийн даргын тушаалын дагуу өндөр хяналт тавьж ажилласан нь томоохон хэмнэлт болсон байна. Үйлдвэрт хэрэглэдэг материал сэлбэг хэрэгслийг дотооддоо үйлдвэрлэх, Монгол инженерүүдийн ур ухаанаар шинэ урвалжуудыг гарган авч үйлдвэрлэлд нэвтрүүлэх ажлууд амжилттай хэрэгжсэн байна. Үүний үр дүнд технологийн бараа материалаас 12 тэрбум төгрөг хэмнэжээ.
Тус цехийнхний шинэ оны ажлын гараа ч амжилттай эхэлснийг өнгөрсөн 1 дүгээр сарын төлөвлөгөөт үзүүлэлтүүд илэрхийлж байна. 2017 оны эхний сард үйлдвэрлэлийн төлөвлөгөөт үзүүлэлтүүдийг 100-аас дээш хувиар давуулан биелүүлж, төлөвлөгөөнөөс 33 мянган тонн хүдэр илүү боловсруулжээ. Зэсийн металл авалтыг 1,6 хувиар, молибдений металл авалтыг 12 хувиар давуулан биелүүлсэн байна. Зэсийн баяжмал дахь зэс 500 тонн, молибдений баяжмал дахь молибденыг 85 тонноор тус тус илүү үйлдвэрлэжээ.
Баяжуулах үйлдвэрийнхэн 2016 оны ололтод тулгуурлан энэ оны металл авалтын болон хүдэр боловсруулалтын төлөвлөгөөг нэмэгдүүлж төлөвлөсөн байна. Өнгөрсөн жилд зэсийн металл авалтын төлөвлөгөө 86,5 хувь байсан бол энэ онд 86,7 хувьд хүргэхээр нэмэгдүүлжээ. Хэдийгээр хүдэр дэх зэсийн агуулга буурч байгаа ч дээрх том зорилгыг дэвшүүлэн, ажлын гараагаа амжилттай эхлүүлээд байна гэж Үйлдвэр техникийн албаны дарга Б.Намуунгэрэл шинэ оны зорилтоо тодотголоо.
Нар минутад мандаж минутад жаргана.
Үс засуулвал: 
Суудал: 
