“Эрдэнэт” үйлдвэрийн үйлдвэрлэл, үйл ажиллагааны тасралтгүй байдлыг хангахад өдөр бүр нийт 2500 гаруй компьютер, техник, технологийн сүлжээний төхөөрөмж тусгай программын дагуу ажиллаж, ачааллаж байдаг. Үйлдвэрлэлийн нарийн дэг бүхий тасралтгүй ажиллагааг хангахад цахим халдлагаас мэдээллийн аюулгүй байдлыг хамгаалах, хяналт тавих асуудал хамгийн чухал юм. “Эрдэнэт” үйлдвэрийн серверүүд, дотоод сүлжээний цахим хуудас, мэдээллийн сүлжээ нь Израйль улсад үйлдвэрлэсэн, хамгийн сүүлийн үеийн технологи бүхий Firewall төхөөрөмжөөр хамгаалагддаг. Үүнийг Холбоо, мэдээлэл, техник автоматжуулалтын цехийн Мэдээлэл, Технологийн аюулгүй байдлын алба, Мэдээлэл боловсруулах төвийн инженерүүд хариуцан ажиллаж байна. Мөн үйлдвэрийн хэмжээнд Мэдээллийн аюулгүй байдлыг хангах журам мөрдөгддөг.
Өнөөдрийн байдлаар сүлжээний өргөтгөл хийх, Мэдээллийн системийн аюулгүй байдлын тухай Монгол Улс, Олон улсад мөрдөгдөж буй стандартуудын биелэлт хангах ажил хийгдэж байна. Мөн серверүүдэд албан ёсны программ суулган, лицензжүүлж байгаа юм. Ажилчдад цахим халдлагаас өөрийгөө хамгаалахын тулд дурын тоног төхөөрөмж залгахгүй байх, албан ёсны antivirus программ ашиглах, дахин ачааллах, цахим шуудангаар ирж буй нэр, нууц дугаар бичих тухай заасан мэдээг задлахгүй байхыг Мэдээлэл, Технологийн аюулгүй байдлын албанаас зөвлөлөө.
У.Цэрэнбат
Фото: Б.Баттөгс
Нар минутад мандаж минутад жаргана.
Үс засуулвал: 
Суудал: 
