Эрдэнэт үйлдвэрийн уурхайчид 5-р сарын эхний 20 хоногт үйлдвэрлэлийн төлөвлөгөөт үзүүлэлтээ амжилттай биелүүллээ. Сарын эхний 20 хоногийн байдлаар 1421.7 мянган метр куб уулын цул гаргасан нь төлөвлөснөөс 94.41 мянган метр кубээр илүү байна. Энэ нь төлөвлөгөө 107.1 хувиар давж биелсэн гэсэн үг юм. Хөрс хуулалтын ажлыг төлөвлөснөөс 114.21 мянган метр кубээр илүү гүйцэтгэж, төлөвлөгөөт үзүүлэлт 121.6 хувиар давлаа. Харин энэ хугацаанд хүдэр олборлолт 97.5 хувийн гүйцэтгэлтэй байна.
Баяжуулах үйлдвэр 1765.78 мянган тонн хүдэр боловсруулж, төлөвлөснөөс 37.18 мянган тонн илүү буюу 102.2 хувиар биеллээ. Хүдэр дэх металлын агуулга сарын эхний 20 хоногт зэсээр 0.464 хувь, молибдени 0.0169 хувийн гүйцэтгэлтэй байж, төлөвлөгөө 100-111.2 хувиар биелсэн байна. Металл авалтын хэмжээ зэсийнх 88.30 хувь, молибденийх 48.50 хувьтай байж, төлөвлөгөөний биелэлт 100 хувийн үзүүлэлттэй гарчээ. Баяжмал үйлдвэрлэлийн хувьд, Эрдэнэт үйлдвэрийн уурхайчид сарын эхний 20 хоногт 32243.6 тонн зэсийн баяжмал, 238.2 тонн молибдений баяжмал тус тус үйлдвэрлэсэн байна.
Нар минутад мандаж минутад жаргана.
Үс засуулвал: 
Суудал: 
