Аж үйлдвэр, эрдэс баялгийн яам, Монголын Уул Уурхайн Үндэсний Ассоциаци хамтран, жил бүр уламжлал болгон зохион байгуулдаг “MiningWeek & MinePro2026” Уул уурхайн 7 хоногийн хүрээнд Эрдэнэт үйлдвэрийн мэргэжилтнүүд “Тогтвортой уул уурхайн төлөө” олон улсын стандартын сургалт, туршлага солилцох уулзалт зохион байгууллаа.
Тус сургалтыг Канад Улсаас Монгол Улсад суугаа Элчин сайдын яамны дэмжлэгтэйгээр Монголын уул уурхайн үндэсний ассоциаци, Канадын Уул уурхайн ассоциаци, Канад-Монголын Худалдааны танхим (CanCham) хамтран зохион байгуулсан.
“Тогтвортой уул уурхайн төлөө” стандарт нь Хариуцлагатай уул уурхайн үйлдвэрлэлийн ESG буюу байгаль орчин, нийгэм, засаглалын удирдлагын нэгдсэн тогтолцоог Олон улсын жишигт нийцүүлэн удирдах загвар юм. Энэхүү стандартыг хэрэгжүүлснээр 2030 он гэхэд Байгаль орчин, нийгэм засаглалын нэгдсэн удирдлагын тогтолцоо, үйл ажиллагааны гүйцэтгэлээрээ "Good Practice" буюу олон улсын түвшинд хүрэхийг зорин ажиллаж байна.
Сургалтын үеэр “Хаягдлын сангийн удирдлага”, “Тэгш эрх, олон янз байдал, оролцоотой ажлын байр”, “Хямралын менежмент, мэдээлэл харилцааны төлөвлөлт” болон “Нутгийн иргэд болон орон нутгийн харилцааны протокол”-уудын агуулга, тайлагнал, бодит хэрэгжилтийн талаар харилцан санал солилцож, туршлагаа хуваалцлаа.
Нар минутад мандаж минутад жаргана.
Үс засуулвал: 
Суудал: 
