Монголын уул уурхайн салбарын техник, технологи, бүтээгдэхүүн, үйлчилгээ, хөрөнгө оруулалт, хамтын ажиллагааны шинэ боломжуудыг танилцуулсан “Mining Week & MinePro 2026” олон улсын уул уурхайн үзэсгэлэн, чуулга уулзалт өнөөдөр гурав дахь өдрөө үргэлжиллээ.
Үйл ажиллагааны сүүлийн өдөр уул уурхайн салбарынхан үндэсний өв соёл, уламжлалаа дээдэлсэн “Уурхайчдын наадам”-аар оролцож, үндэсний бөх, сурын харваа, шагайн харваагаар хүч, цэц мэргэнээ сорьсон. Тус наадамд “Эрдэнэт үйлдвэр” ТӨҮГ-ын тамирчид болон уран бүтээлчид өргөн бүрэлдэхүүнтэй оролцлоо. Тухайлбал, үндэсний бөхийн барилдаанд Аймгийн начин Т.Бат-Ирээдүй, Аймгийн начин Б.Эрдэнэчулуун, сурын харваанд Монгол Улсын Даяар дуурсах дархан мэргэн Л.Отгонбаяр, Монгол Улсын даян мэргэн Д.Дэмбэрэлсайхан, Аймгийн мэргэн Л.Мөнгөнзаяа нар цэц мэргэнээ сорьж байна. Мөн шагайн харваанд Аймгийн гоц мэргэн Э.Пүрэвсүрэн, “Эрдэнэт үйлдвэр” ТӨҮГ-ын Соёл, урлагийн цогцолборын хөгжимчин, Шагайн харвааны аймгийн гоц мэргэн Н.Цэрэнпил нар оролцсон юм.
Үүний зэрэгцээ “Эрдэнэт үйлдвэр” ТӨҮГ-ын Соёл, урлагийн цогцолборын бүжигчин Б.Цолмон, хөгжимчин Я.Батчимэг, Э.Пүрэвсүрэн, Н.Цэрэнпил нар урлагийн хөтөлбөрт оролцож, уурхайчдын наадмын уур амьсгалыг урлаг, соёлоороо өнгөлж байна.
Ийнхүү, “Mining Week & MinePro 2026” үйл ажиллагааны хүрээнд уул уурхайн салбарын хөгжил, шинэ технологи, хөрөнгө оруулалт, хамтын ажиллагааны асуудлыг хэлэлцэхийн зэрэгцээ уурхайчдын нөхөрлөл, эв нэгдэл, үндэсний уламжлал, өв соёлыг сурталчилсан арга хэмжээнүүд зохион байгуулагдлаа.
Нар минутад мандаж минутад жаргана.
Үс засуулвал: 
Суудал: 
