Монголын хөдөлмөрийн эрүүл мэнд, аюулгүй байдлын салбарын уламжлалт хамгийн том үйл ажиллагаа болох “Нэн түрүүнд - ХАБ” бага хурал 15 дахь жилдээ, Налайх дүүрэгт, Тайж Хайрхны бэлд болж буй “Уул уурхайн 7 хоног”-ийн хүрээнд 5 дахь жилдээ зохион байгуулагдаж байна.
Тус бага хурал нь үйлдвэрлэлийн үйл ажиллагаанд хөдөлмөрийн аюулгүй байдал, эрүүл ахуйн шаардлагыг хангах, ажилтнуудын эрүүл, аюулгүй орчинд ажиллах нөхцөлийг бүрдүүлэх, осол эрсдэлийг бууруулахад чиглэсэн туршлага, санал санаачилгыг хэлэлцдэг чухал үйл ажиллагаа юм.
Энэ жилийн хурлаар хөдөлмөрийн аюулгүй байдал, эрүүл ахуйн чиглэлээр хэрэгжүүлж буй ажил, ололт амжилт, тулгамдсан асуудлыг хэлэлцэхийн зэрэгцээ үйлдвэрлэлийн эрсдэлийг бууруулах, урьдчилан сэргийлэх арга хэмжээ, ажилтнуудын аюулгүй ажиллагааны мэдлэг, хандлагыг дээшлүүлэх талаар илтгэл, мэдээлэл танилцуулж байна.
“Монголын Мэргэшсэн ХАБЭА-н мэргэжилтнүүдийн холбоо” (МОШПА) ТББ - аас 15 жилийн турш тасралтгүй зохион байгуулж ирсэн “Нэн түрүүнд - ХАБ” бага хурал нь Уул уурхайн салбарын хөдөлмөрийн аюулгүй ажиллагааны соёлыг төлөвшүүлэх, сайн туршлагыг түгээн дэлгэрүүлэх, ажилтан бүрийн оролцоог нэмэгдүүлэхэд хувь нэмрээ оруулж ирсэн чухал үйл ажиллагаа юм. Тиймээс ч “Эрдэнэт үйлдвэр” ТӨҮГ тус бага хурлын үйл ажиллагааг жил бүр дэмжин, хамтран ажиллаж байна.
Хөдөлмөрийн аюулгүй байдал бол зөвхөн нэг алба, нэг ажилтны үүрэг бус, үйлдвэрлэлийн үйл ажиллагаанд оролцож буй хүн бүрийн хариуцлага гэдгийг “Нэн түрүүнд - ХАБ” бага хурал онцоллоо.
Нар минутад мандаж минутад жаргана.
Үс засуулвал: 
Суудал: 
