“Чингис хаан баялгийн сан нэгдэл” ХХК-ийн Гүйцэтгэх захирал Б.Даваадалай “СОР17” бага хурлын ногоон бүсэд “Тэрбум мод” үндэсний хөдөлгөөнд тус нэгдлийн оролцооны талаар илтгэл тавихдаа үүнийг онцолжээ.
Тэрээр, мод үржүүлгийн газар, агро парк байгуулах, бүс нутагт тохирсон үр, тарьц суулгацын нөөц бүрдүүлэх чиглэлээр “Эрдэнэт үйлдвэр” ТӨҮГ манлайлан түүчээлж, Ойн генетик нөөцийн төв, Хөрсний инновац, технологийн төв, Мод үржүүлгийн цогцолбор зэрэг бүтээн байгуулалт хийж, хойд бүсийн ойжуулалтын суурийг тавьж байгааг илтгэлдээ дурдав. Мөн тарьсан модоо тоолж суух бус, урт хугацааны арчилгаа, хамгаалалтад орон нутгийн иргэд, малчдын оролцоог хангасан сайн жишээг Хархорин суманд нутагшуулж чадсаныг ч мөн цохон тэмдэглэлээ.
“Чингис хаан баялгийн сан нэгдэл” нь “Тэрбум мод” үндэсний хөдөлгөөний хүрээнд нийт 291 сая мод тарьж, ургуулах амлалт авсан бөгөөд өнөөдрийн байдлаар 30 сая орчим мод тарьж, арчлан ургуулж байна. Тарьсан моддын амьдрах чадвар сайн байгаа бөгөөд цаашид мод тарилтыг улам эрчимжүүлэх, тарьц суулгацын тогтвортой нөөцтэй болох, үүний зэрэгцээ нөхөн сэргээлтийг нэмэгдүүлэх, байгаль орчны нөлөөллийг бууруулах, ногоон шийдэл, санхүүжилтийг урьтал болгохоо илэрхийлэв.
Нар минутад мандаж минутад жаргана.
Үс засуулвал: 
Суудал: 
