Монгол Улсын Ерөнхий сайдын ивээл дор зохион байгуулагдаж буй “Үндэсний майхант цугларалт-2026”-д оролцогч 500 хүүхэд, залуусыг Монгол Улсын баатар, “Эрдэнэт үйлдвэр” ТӨҮГ-ын хамт олон “Сэлэнгэ” амралт, аялал жуулчлалын цогцолборын “Найрамдлын Эрдэнэс” зусланд өчигдөр хүлээн авч, байрлууллаа.
Энэ удаагийн цугларалтад Монгол орны дөрвөн зүг, найман зовхисоос 21 аймаг, нийслэлийн 9 дүүргийн төлөөлөл болсон хүүхэд, багачууд хүрэлцэн ирж, нэгэн дор хуран чуулж байна. Цугларалтад оролцогчдыг аймаг, орон нутгийн онцлогийг илэрхийлсэн таних тэмдэг бүхий жагсаалаар угтан авч, цугларалтын зорилго, хөтөлбөр, оролцогчдын бүрэлдэхүүнийг танилцууллаа.
Ийнхүү “Үндэсний майхант цугларалт-2026” эхэлж, эх орныхоо өнцөг булан бүрээс цугласан хүүхэд, залуус нөхөрлөж, харилцан туршлага солилцон, үндэсний өв соёл, байгаль дэлхийгээ хайрлан хамгаалах үзэл, хамтын ажиллагааны үнэ цэнийг мэдрэх олон талт үйл ажиллагаанд оролцох боломж бүрдэж байна.
Монгол Улсын Ерөнхий сайдын ивээл дор зохион байгуулагдаж буй тус цугларалтыг “Эрдэнэт үйлдвэр” ТӨҮГ-ын “Сэлэнгэ” амралт, аялал жуулчлалын цогцолбор “Найрамдлын Эрдэнэс” зуслан өөрийн баазад хүлээн авч бэлтгэл, зохион байгуулалтыг ханган ажиллаж байгаа юм.
“Үндэсний майхант цугларалт-2026”-ын албан ёсны нээлтийн үйл ажиллагаа өнөөдөр зохион байгуулагдаж байна.
Нар минутад мандаж минутад жаргана.
Үс засуулвал: 
Суудал: 
