Эрдэнэт үйлдвэрийн 10 уулчин Монгол Алтайн нурууны сүрлэг оргилуудын нэг, далайн түвшнээс дээш 4,222 метрийн өндөрт өргөгдсөн Сутай хайрхны оргилд энэ сарын 09-ний өдөр амжилттай гарч, үйлдвэрийн газрынхаа тугийг мандууллаа.
Авиралтад, дасгалжуулагч багшаар “Эрдэнэт” уулчдын холбооны ахмад уулчин, Олон улсын хэмжээний мастер Ч.Ганболд, С.Одончимэг нар ажилласан бөгөөд Эрдэнэт үйлдвэрээс уулын спортын мастер, Авто тээврийн цехийн Уулын технологийн тээврийн хэсгийн хүнд даацын автомашины жолооч Р.Түвшинтөр, уулын спортын мастер, Засвар, механикийн заводын хийн зүсэгч Р.Түвшинбаяр, уулын спортын мастер, Холбоо, мэдээллийн технологи, автоматжуулалтын цехийн автоматикийн инженер Д.Марал, Уулын спортын мастер, Холбоо, дохиолол хяналтын хэсгийн оператор Я.Бат-Отгон, уулын спортын дэд мастер, Баяжуулах үйлдвэрийн цахилгаанчин Д.Одгэрэл, Авто тээврийн цехийн гүүрэн кранчин Б.Пүрэвжав, Уулын технологийн тээврийн хэсгийн хүнд даацын автомашины жолооч П.Хүдэрбаатар, Барилга, засварын цехийн засал чимэглэлчин М.Гэрэлмаа, Баяжуулах үйлдвэрийн техник оношилгооны инженер Ш.Эрдэнэтуяа, “Эрдэнэт” сувиллын цогцолборын сэтгэл засалч эмч Б.Хишигжаргал, уулын спортын мастер, “Эрдэнэт” уулын холбооны гишүүн И.Халиун нарын бүрэлдэхүүнтэй баг оролцож, байгалийн үзэсгэлэн бүрдсэн мөнх цаст оргилыг эзэлжээ.
Өндөр уулын Улсын аварга шалгаруулах “Алпиниад-2026” тэмцээн Сутай хайрхны оргилд ийнхүү амжилттай зохион байгуулагдсан бөгөөд Эрдэнэт үйлдвэрийн баг тамирчид тэсвэр хатуужил, ур чадвар, эв нэгдэл, багийн ажиллагаагаараа ялгарч, хүрэл медаль хүртсэн юм. Бахдам амжилт үзүүлсэн уулчдадаа уурхайчин хамт олныхоо нэрийн өмнөөс баяр хүргэе.
Нар минутад мандаж минутад жаргана.
Үс засуулвал: 
Суудал: 
