Эрдэнэт үйлдвэрийн 2026-2027 оны намар, өвлийн бэлтгэл хангах ажлын хүрээнд Дулааны цахилгаан станцын төлөвлөгөөт “Их зогсолт”-ыг энэ сарын 22, 23-ны амралтын өдрүүдэд зохион байгуулахаар ажиллаж буйг тус станцын Ерөнхий инженер мэдээллээ. Тус станцын нөөцгүй ажилладаг тоног төхөөрөмжийн засварын нийт 135 ажил буюу 1768 хүн/цаг гүйцэтгэлийг энэ удаагийн “Их зогсолт”-ын үеэр хийхээр төлөвлөгөөг баталсан байна.
Мөн “Их зогсолт”-ын үеийн Дулаан, цахилгааны эрчим хүчийг бүрэн болон сэлгэн залгаж, таслах хөтөлбөрийг “Эрдэнэт үйлдвэр” ТӨҮГ-ын Ерөнхий инженерийн ажлыг түр орлон гүйцэтгэгч Үйлдвэрлэл, техникийн бодлогын газрын дарга П.Батболороор батлуулан, хэрэгжүүлэхээр бэлтгэл хангаж байна. “Их зогсолт”-оор Дулааны эрчим хүчний үйлдвэрлэлийг 28 цаг, цахилгаан эрчим хүчний үйлдвэрлэлийг 48 цагийн турш салгаж, засвар үйлчилгээ, уурын хаалт солих зэрэг томоохон ажлуудыг хийж гүйцэтгэнэ. “Их зогсолт”-ын засварын ажилд шаардлагатай сэлбэг материалын худалдан авалт, нийлүүлэлт 95%-н гүйцэтгэлтэй байгаа бөгөөд бараа материал, сэлбэг тоног төхөөрөмжийг станцын агуулахад татан аваад байна.
Энэ жилийн “Их зогсолт”-ын засвар үйлчилгээг гүйцэтгэх ажилтнуудын ажлын хуваарийг Дулааны цахилгаан станцын даргын тушаалын дагуу гаргаж, нарийвчилсан төлөвлөгөөний дагуу ажиллана. Мөн Эрчим хүчний хэлтэс, Механикийн хэлтэс, ХАБЭА-н хэлтэс, Чанарын хяналтын хэлтэс, Цахилгаан цех, Авто тээврийн цех, Засвар, механикийн завод зэрэг бүтцийн нэгж, хамт олон хамтран гүйцэтгэхээр бэлтгэл хангаж байна.
Нар минутад мандаж минутад жаргана.
Үс засуулвал: 
Суудал: 
