Ил уурхайн Залуучуудын холбооноос санаачлан, Үйлдвэрчний эвлэл, Эмэгтэйчүүдийн холбоо, Ахмадын холбоотойгоо хамтран зохион байгуулдаг “Гурван үеийн хэлхээ” үйл ажиллагаа энэ жил гурав дахь удаагаа амжилттай боллоо.
Ахмад, дунд, залуу үеийн ажилтнуудын харилцаа, уялдаа холбоог бэхжүүлэх, ахмад уурхайчдын олон жилийн хөдөлмөр, туршлага, мэдлэг, арга барилыг залууст өвлүүлэн уламжлуулах, байгууллагынхаа үнэт зүйл, уламжлалыг хойч үедээ таниулах зорилготой юм. Энэхүү үйл ажиллагаанд цехийн удирдлага, Ил уурхайгаас төрөн гарсан Монгол Улсын Хөдөлмөрийн баатар, гавьяатууд, гавьяаны амралтаа эдэлж буй ахмадууд, шинээр ажилд орсон залуу ажилтнууд, идэвхтэй хөдөлмөрлөж буй идэр насныхны төлөөлөл 50 гаруй ажилтан оролцож, нөхөрсөг тэмцээнээр хүч сорилоо.
Волейбол, корнхол тэмцээний дүнгээр Тэргүүлэх эрчим зүйч Ж.Энхцоожоор ахлуулсан баг тэргүүн байр эзэлж, шилжин явах цом, өргөмжлөл, мөнгөн шагнал хүртэв. Харин шилдэг багийн ахлагчаар ерөнхий инженер Л.Баярбат, шилдэг дасгалжуулагчаар Монгол Улсын Хөдөлмөрийн баатар Б.Батбаяр, шилдэг холбон тоглогчоор Уулын тоног төхөөрөмжийн засварын хэсгийн механикч Х.Амартөр, шилдэг тэгш тоглогчоор Б.Сайнбаяр нар шалгарчээ.
“Гурван үеийн хэлхээ” нь үе үеийн уурхайчдын хөдөлмөрийн түүх, үнэт өв, туршлагыг залуу үедээ өвлүүлэн үлдээх, байгууллагынхаа залгамж халаа, эв нэгдлийг бэхжүүлэх чухал ач холбогдолтой уламжлалт үйл ажиллагаа болж байна, гэж уурхайчид сэтгэгдлээ хуваалцсан юм.
Нар минутад мандаж минутад жаргана.
Үс засуулвал: 
Суудал: 
