“Эрдэнэт үйлдвэр” ТӨҮГ-ын удирдах ажилтны ээлжит шуурхай зөвлөгөөн өнөөдөр боллоо. Шуурхай зөвлөгөөнийг Үйлдвэрлэл, техникийн бодлогын газрын дарга П.Батболор удирдсан.
Өнгөрсөн долоо хоногт “Эрдэнэт үйлдвэр”-т өндөр эрсдэлтэй 19, урьдчилан сэргийлэх чиглэлийн 22 ажил хийгдсэн талаар ХАБЭА-н хэлтсээс мэдээлэв. Мөн тус долоо хоногт нийт 529 ажилтанд зааварчилгаа өгч, ажлын байрны сургалтад 49 хүнийг хамруулжээ.
Үйлдвэрлэл, техникийн хэлтсээс наймдугаар сарын эхний 9 хоногийн үйлдвэрлэлийн төлөвлөгөөний биелэлтийг танилцууллаа. Тайлант хугацаанд үйлдвэрлэлийн төлөвлөгөөт үзүүлэлтүүдээс хоёр үзүүлэлтээс бусад нь 100 болон түүнээс дээш хувийн гүйцэтгэлтэй байна. Молибдены баяжмалын ачилтыг төлөвлөгөөнөөс 15 вагон, зэсийн баяжмалын ачилтыг 14 вагоноор тус тус давуулан гүйцэтгэсэн байна.
Намар, өвлийн бэлтгэл ажлын төлөвлөгөөнд багтсан ажлуудын талаар нэгжийн удирдлагууд тус бүр мэдээлэл хийж, хэрэгжилтийн явцыг танилцууллаа. Мөн бүтцийн нэгжүүдэд төлөвлөгөөт засварын ажлууд хэвийн үргэлжилж, хөдөлмөрийн аюулгүй байдлыг ханган ажиллаж байна.
Эрүүл мэндийн урьдчилан сэргийлэх үзлэгт нийт 8800 хүн хамрагдахаас өнөөдрийн байдлаар 2849 ажилтан буюу 41 хувь, 540 ахмад буюу 34 хувь, мэргэжлээс шалтгаалах өвчний улмаас хувь тогтоолгосон 105 хүн буюу 62 хувь нь хамрагдаад байгаа юм.
“Эрдэнэт үйлдвэр”-ийн тасралтгүй, найдвартай үйл ажиллагааг ханган ажиллахад шаардлагатай бараа материал болон түлшний нийлүүлэлт хэвийн байгааг холбогдох бүтцийн нэгжийн удирдлагууд мэдээллээ.
“Эрдэнэт үйлдвэр” ТӨҮГ-ын Ерөнхий захирал Г.Ёндон, 2026 оны эхний хагас жилд үйлдвэрлэл, эдийн засгийн өндөр үзүүлэлттэйгээр амжилттай ажилласан Эрдэнэт үйлдвэрийн уурхайчин хамт олонд Монгол Улсын Ерөнхий сайд Н.Учрал биечлэн уулзах үеэрээ талархал илэрхийлж, баяр хүргэснийг энэ үеэр уламжилсан.
“Чингис хаан баялгийн сан нэгдэл” ХХК-ийн 2026 он эхний хагас жилийн үйл ажиллагааны тайлангийн хурал энэ сарын 14-ний өдөр зохион байгуулагдахаар товлогджээ. Холбогдох газар, хэлтсүүд тус тайлан хуралд оролцох бэлтгэл ханган ажиллаж байна. Ерөнхий захирал шуурхай зөвлөгөөний төгсгөлд, цех нэгжийн удирдлагуудад цаг үеийн асуудалтай холбоотой үүрэг, чиглэл өглөө.
Нар минутад мандаж минутад жаргана.
Үс засуулвал: 
Суудал: 
