Эрдэнэт үйлдвэрийн Чанарын хяналтын хэлтсийн хамт олон 2026 оны эхний хагас жилийн үйл ажиллагаандаа 98.9 хувийн үнэлгээ авлаа. Тус хэлтсийн хамт олон оны эхнээс орлого нэмэгдүүлж, зардал бууруулах, бүтээгдэхүүний чанарыг дээшлүүлэх чиглэлээр үндсэн гурван зорилт дэвшүүлэн ажиллажээ. Өртөг зардлыг бууруулах, хэмнэлтийн бодлогын хүрээнд ажил үйлчилгээний төлөвлөгөөг 101.4 хувиар биелүүлэн, үйл ажиллагааны зардлыг 1.6 тэрбум төгрөг буюу 14.5 хувийн хэмнэлттэй ажилласан байна.
Орлого нэмэгдүүлэх чиглэлээр гаднын 45 байгууллагад төлбөрт үйлчилгээ үзүүлэн, тэдгээрээс 90.4 сая төгрөгийн нэмэлт орлого төвлөрүүлсэн байна. Мөн гаднын нийлүүлэгчдийн 564.9 тэрбум төгрөгийн үнийн дүнтэй бараа материалыг 972 удаагийн акт, шаардлагаар чанарын хяналтад хамруулж, үүнээс 4 тэрбум төгрөгийн техникийн тодорхойлолтоос зөрүүтэй бараа материалд 27 актаар буцаалт тогтоон, учирч болох эрсдэлээс арилгажээ. Зэсийн баяжмал ачилтын төлөвлөгөө металлын хэмжээгээр 104.9 хувиар биелж, нийт 4746 вагон баяжмал ачуулсан байна. Оны эхний хагас жилд 65204 тонн зэсийн баяжмалыг худалдааны шаардлагад нийцүүлж, чанарын үзүүлэлтийг 22.53 хувь, 788 тонн молибдены баяжмалын чанарын төлөвлөгөөг 49.48 хувьд хүргэж, ачуулах ажлыг зохион байгуулсан байна. Түүнчлэн, технологийн голлох түүхий эд, материалын нийлүүлэлтэд чанарын иж бүрэн хяналт тавьж, стандартын шаардлага бараа бүтээгдэхүүн хүлээн авах боломжийг бүрдүүлэн ажиллажээ. Мөн жингийн хяналтын үр дүнгээр технологийн материалуудын тоо хэмжээ илүү тооцогдохоос сэргийлж, 116 сая төгрөгийн учирч болох эрсдэлээс урьдчилан сэргийлсэн байна.
Чанарын хяналтын хэлтэс хөдөлмөрийн аюулгүй байдал, эрүүл ахуйн чиглэлээр 1637 удаагийн хяналт шалгалт явуулан, 279 зөрчлийг илрүүлэн арилгаж, ажилчдын тусгай хувцас, хамгаалах хэрэгслийн журмыг 100 хувиар хэрэгжүүлсэн байна. “Тэрбум мод” үндэсний хөдөлгөөний хүрээнд Чанарын төгөл байгуулах төслийг үргэлжлүүлж, хамт олноороо 1350 ширхэг мод тарьж, эзэнжүүлжээ. Тус хэлтсийн лабораториудад “Мэдлэг түгээх ажлын байр” нээн, тогтмол ажиллуулж, ажилтнуудын ур чадвар, хиймэл оюун ухаан ашиглах чадамж, мэдлэгийг дээшлүүлэх зэрэг сургалт хөгжлийн үйл ажиллагааг зохион байгуулж байна.
Олон улсын стандартад нийцсэн Химийн төв лабораторийн барилгын ажлыг дуусгаж, улсын комиссоос өгсөн үүрэг даалгаврыг гүйцэтгэгч компани 100 хувь хэрэгжүүлэх ажлыг зохион байгуулсан нь Чанарын хяналтын хэлтсийн оны эхний хагас жилийн томоохон ажлын нэг боллоо.
Нар минутад мандаж минутад жаргана.
Үс засуулвал: 
Суудал: 
