Авто тээврийн цехийн хамт олон энэ оны эхний хагас жилд үйлдвэрлэл, эдийн засаг, аж ахуйн үйл ажиллагааны чиглэлээр өмнөө тавьсан зорилт, төлөвлөгөөг амжилттай хэрэгжүүлж, үндсэн үзүүлэлтүүдээ давуулан биелүүлсэн байна. Тайлант хугацаанд уулын цул тээвэрлэлтийн төлөвлөгөөг 103.3 хувь, ачаа эргэлтийн төлөвлөгөөг 104.9 хувиар тус тус биелүүлжээ. Энэ нь үйлдвэрлэлийн үндсэн үйл ажиллагааны тасралтгүй, хэвийн байдлыг ханган ажилласныг илтгэж байна.
Түүнчлэн, цехийн үйл ажиллагааны зардлыг батлагдсан төсвөөс 25 тэрбум 20 сая төгрөгөөр буюу 12.7 хувиар хэмнэсэн нь онцлох үр дүн болж байна. Зардлын үр ашиг, хэмнэлтийг нэмэгдүүлэхийн зэрэгцээ үйлдвэрлэлийн төлөвлөгөөт зорилтоо давуулан биелүүлсэн нь цехийн эдийн засгийн үр ашгийг дээшлүүлэхэд чухал ач холбогдолтой юм.
Технологийн болон төрөл бүрийн тээврийн хэрэгслийн техникийн бэлэн байдлын болон парк ашиглалтын итгэлцүүрийн төлөвлөгөө 100-аас дээш хувиар биелсэн байна. Мөн технологийн тээврийн хэсгийн 1 тн.км ачаа эргэлтийн өөрийн өртгийг 157.9 төгрөгөөр, төрөл бүрийн тээврийн хэсгийн 1 машин цагийн өртгийг 30,493 төгрөгөөр тус тус бууруулжээ.
Авто тээврийн цех нь цаашид хөрөнгө оруулалтын ажлыг батлагдсан төлөвлөгөөний хүрээнд үндэслэл, тооцоотой, цаг хугацаанд нь хэрэгжүүлэх, технологийн болон төрөл бүрийн тээврийн хэрэгслийн техникийн бэлэн байдал, парк ашиглалтын итгэлцүүрийг нэмэгдүүлэхээр зорьж байна.
Ийнхүү, Авто тээврийн цехийн хамт олон 2026 оны эхний хагас жилийн үйлдвэрлэл, эдийн засгийн үзүүлэлтүүдээ амжилттай дүгнэж, олсон үр дүнгээ хоёрдугаар хагас жилд улам бататган, үйлдвэрлэлийн тасралтгүй ажиллагаа, эдийн засгийн үр ашиг, хөдөлмөрийн аюулгүй байдлыг хослуулсан бодит үр дүн гаргах зорилт дэвшүүлэн ажиллаж байна.
Нар минутад мандаж минутад жаргана.
Үс засуулвал: 
Суудал: 
