Монгол Улсын Ерөнхийлөгчийн зарлигаар Тулгар төрийн 2235 жил, Их Монгол Улс байгуулагдсаны 820 жил, Үндэсний эрх чөлөө, тусгаар тогтнолоо сэргээн мандуулсны 115 жил, Ардын хувьсгалын 105 жил, Ардчилсан хувьсгалын 36 жил, Эрдэнэт хот үүсгэн байгуулагдсаны 50 жилийн ойг тохиолдуулан Эрдэнэт цогцолбор их сургуулийн Суурь шинжлэх ухааны тэнхимийн багш,дэд профессор, доктор (Ph.D) Б.Энхцэцэгт "Монгол Улсын Гавьяат багш" хэмээх эрхэм хүндтэй цол хүртээлээ.
Энэ бол зөвхөн нэг багшийн хөдөлмөрийн үнэлгээ бус, үе үеийн шавь нараа мэдлэг, хүмүүжил, ёс зүйгээр төлөвшүүлэн, боловсролын салбарт үнэтэй хувь нэмэр оруулсан олон жилийн уйгагүй зүтгэлийн бодит илэрхийлэл юм.
Эрдэнэт цогцолбор их сургуулиас төрөн гарсан дөрөв дэх Монгол Улсын Гавьяат багш болсонд нь хамт олных нь өмнөөс чин сэтгэлийн халуун баяр хүргэж, эрдмийн их үйлс нь улам өөдөө дэлгэрч, энхийн цагаан зам нь үргэлж дардан байхын ерөөлийг өргөн дэвшүүлье.
Эрхэм багш Танд эрүүл энх, аз жаргал, урт удаан насалж, олон шавийнхаа оюуны гэрлийг үргэлж асааж явахыг хүсэн ерөөе.
Нар минутад мандаж минутад жаргана.
Үс засуулвал: 
Суудал: 
