Цагдаа, дотоодын цэргийн байгууллагын алба хаагчдын сэтгэл зүйн эрүүл мэндийг дэмжих, ёс зүй, хамтын ажиллагааг бэхжүүлэх зорилготой “Үргэлж тантай хамтдаа” өдөрлөгийг Орхон аймагт зохион байгууллаа. Өдөрлөгийн үйл ажиллагааг нээж, "Сүлд" чуулгын дарга, цагдаагийн дэд хурандаа Б.Солонго үйл ажиллагааны зорилго, ач холбогдлын талаар танилцуулж, үлээвэр найрал хөгжим төрийн дуулал эгшиглүүлэв.
Энэхүү үйл ажиллагааны үеэр Дотоодын цэргийн 816 дугаар ангийн захирагч, хурандаа Д.Гантөмөр, “Цагдаа, дотоодын цэргийн байгууллагын үйл ажиллагааг тогтмол дэмжин хамтран ажилладаг Эрдэнэт үйлдвэрийн хамт олонд талархал илэрхийлэхээр хүрэлцэн ирсэн. Иргэдийн амар тайван байдлыг хангах үйл хэрэгт төрийн болон төрийн бус байгууллага, аж ахуйн нэгжүүдийн хамтын ажиллагаа чухал үүрэгтэй байдаг” хэмээн онцоллоо.
Мөн "Сүлд" чуулгын дарга, цагдаагийн дэд хурандаа Б.Солонго, “Орчин цагийн цагдаагийн байгууллага үүсэж хөгжсөний 105 жил, Дотоодын цэргийн байгууллагын 104 жилийн ойг тохиолдуулан энэхүү соён гэгээрүүлэх өдөрлөгийг орон нутагт зохион байгуулж байна. Цагдаа, дотоодын цэргийн байгууллагын ажил үүргийг хэрэгжүүлэхэд үргэлж дэмжин хамтран ажилладаг Эрдэнэт үйлдвэрийн хамт олон, удирдлагад талархал илэрхийлье” гэв.
Өдөрлөгийн хүрээнд алба хаагчдын сэтгэл зүйн эрүүл мэндийн талаарх лекц, мэдээлэл зохион байгуулж, ахлагч бүрэлдэхүүн болон офицеруудын дунд сэтгэл зүйн бүлгийн сургалт явууллаа. Мөн байгууллагын сэтгэл зүйчдийн үйл ажиллагааг сурталчилж, алба хаагчдад ганцаарчилсан зөвлөгөө, мэдээлэл өгсөн байна.
Түүнчлэн, Цагдаа, дотоодын цэргийн байгууллагын Ёс зүйн зөвлөлийн нарийн бичгийн дарга, цагдаагийн дэд хурандаа Б.Солонго Цагдаагийн газрын Ёс зүйн дэд хорооны ахлагч, гишүүдтэй уулзалт хийж, алба хаагчдын ёс зүй, сахилга хариуцлагын талаар санал солилцов.
Өдөрлөгийн үеэр Цагдаагийн байгууллагатай үр дүнтэй хамтран ажилладаг "Эрдэнэт үйлдвэр" ТӨҮГ-ын хамт олонд талархал илэрхийлж, нэр бүхий алба хаагч болон тэдний гэр бүлд хүндэтгэл үзүүлэх үйл ажиллагаа зохион байгуулсан юм.
Мөн ахмад ажилтан, цагдаагийн бэлтгэл, ахлах ахлагч С.Эрдэнэчимэгт хүндэтгэл үзүүлж, олон жилийн үр бүтээлтэй хөдөлмөрийг нь онцлон тэмдэглэлээ. Үйл ажиллагаанд Цагдаагийн ерөнхий газрын Эрүүл мэнд, сэтгэл зүйн тасгийн дарга, цагдаагийн дэд хурандаа Э.Бямбажаргал болон холбогдох албаны удирдлагууд оролцлоо.
Нар минутад мандаж минутад жаргана.
Үс засуулвал: 
Суудал: 
