Эрдэнэт үйлдвэрийн удирдах ажилтны даваа гарагийн ээлжит шуурхай зөвлөгөөн өнөөдөр боллоо. Шуурхай зөвлөгөөнийг үйлдвэрийн газрын Ерөнхий инженер Т.Батмөнх удирдан явуулж, бүтцийн нэгжийн удирдлагууд үйлдвэрлэлийн үйл ажиллагаатай холбоотой цаг үеийн асуудлаар мэдээлэл солилцлоо.
Өнгөрсөн долоо хоногт үйлдвэрийн хэмжээнд өндөр эрсдэлтэй 26 ажил, галын аюултай таван ажил гүйцэтгэсэн бөгөөд хөдөлмөрийн аюулгүй байдал, эрүүл ахуйн зөрчилгүй хэвийн ажиллажээ. Хөдөлмөрийн эрүүл мэнд, аюулгүй байдлын чадамж олгох сургалтуудыг зохион байгуулж, цацрагийн аюулгүй байдлын чиглэлээр 24 ажлыг төлөвлөн хийсэн байна.
Үйлдвэрлэл, техникийн хэлтсийн дарга Т.Түмэн-Өлзий өнгөрсөн шуурхай зөвлөгөөнөөр өгөгдсөн үүрэг даалгаврын биелэлтийг танилцуулсан. Үйлдвэрлэлд дутагдалтай байгаа бараа материалуудын нийлүүлэлтийн явцын талаар мэдээллээ. Энэ сарын эхний 14 хоногт Уулын цул гаргалт 103.3, хувь, хөрс хуулалт 101.3 хувь, хүдэр дамжуулалт 104%, хүдэр боловсруулалт 100.8, вагон ачилт 111,6 хувьтай үзүүлэлттэй байна.
Үйлдвэрийн бүтцийн нэгжүүдэд хийгдэж буй хавар, зуны бэлтгэл хангах 277 ажил төлөвлөгдсөнөөс нийт ажлын биелэлт дунджаар 81.3 хувьтай байгааг Үйлдвэрлэл, техникийн хэлтсээс мэдээллээ.
Шуурхай зөвлөгөөний төгсгөлд Ерөнхий инженер Т.Батмөнх үйлдвэрлэлийн их зогсолттой холбоотой бэлтгэл ажлыг төлөвлөгөөний дагуу хийх, “Найрамдлын Эрдэнэс” хүүхдийн зуслангийн үйл ажиллагааг эхлүүлэх бэлтгэл ажилтай холбоотой үүрэг даалгаврыг бүтцийн нэгжүүдийн удирдлагуудад өглөө.
Нар минутад мандаж минутад жаргана.
Үс засуулвал: 
Суудал: 
