“Эрдэнэт цогцолбор” их сургуулийн дэргэдэх Коосэн хөтөлбөрийн Япон хэл, соёл сурталчлах "Хаврын баяр" долоо хоног амжилттай болж өнгөрлөө. Энэхүү долоо хоногийн хүрээнд “Эрдэнэт цогцолбор” их сургуулийн Коосэн хөтөлбөрийн үйл ажиллагааг сурталчлах, оюутнуудын мэдлэг, авьяасыг сорих, япон хэл сурах идэвх сонирхлыг нэмж, зорилго, хүсэл мөрөөдлөөрөө нэгдэх, хамтран суралцах арга барилд суралцах зэрэг олон талын үйл ажиллагаа өрнөсөн байна.
“Хаврын баяр” долоо хоногийн эхэнд 1-р курсийн оюутнууд угталт хийж урилгаа тараасан бол дараагийн өдрүүдэд Япон үндэсний хувцас кимоно, ногоон цай, бийрэн бичлэг зэрэг өв соёлоос танилцууллаа. Харин 2,3-р курсийн оюутнууд постер илтгэл, судалгааны мэргэжлийн чиглэлээр үзэсгэлэн гаргасан. Мөн Эрдэнэт үйлдвэртэй танилцах аялал хийж, Ил уурхай, Авто тээврийн цехэд зочиллоо.
“Хаврын баяр” долоо хоногоор оюутнууд Япон хэл, соёлд хэрхэн суралцаж буйгаа тайлагнасан нь олон хүүхэд, залуусын сэтгэлд хүрсэн юм. Тэд, Япон дуу бүжиг, чөлөөт үзүүлбэрээ нэгтгэн Хүүхэд залуучуудын театрт толилуулж, Япон хэлний мэдлэг сорих “Хөгжилтэй япон хэл” тэмцээн, явган аялал, хөгжилтэй буухиагаар 9 багт хуваагдан, өрсөлдөв.
Энэхүү өдөрлөгт ШУТИС-ийн Коосэн технологийн захирал Д.Дулмаа тэргүүтэй багш, оюутнууд болон Орхон аймгийн ЕБС-иудын 9-р ангийн сурагчид оролцлоо. “Хаврын баяр” долоо хоногийн хаалтын ажиллагаа уралдааны шилдэг баг, оюутнуудад шагнал гардуулснаар амжилттай өндөрлөсөн байна.
Нар минутад мандаж минутад жаргана.
Үс засуулвал: 
Суудал: 
