Орхон аймгийн ЗДТГ, Байгаль орчны газар, “Эрдэнэт үйлдвэр” ТӨҮГ хамтран 2024-2027 онд хэрэгжүүлж буй “Цагаан тоосны дэгдэлт, сөрөг нөлөөллийг бууруулах хөтөлбөр”-ийн хүрээнд төрийн байгууллагууд болон иргэдэд дээрх ажлын явц байдал, үр дүнгийн талаар мэдээлж, танилцуулах төлөвлөгөөний дагуу Орхон аймгийн ИТХ-ын Байгаль орчин, хөдөө аж ахуйн хороо, Байгаль орчны газар, Баян-Өндөр, Жаргалант сумдын ЗДТГ-ын мэргэжилтэн, төлөөллүүд тус үйлдвэрийн Хаягдлын аж ахуйд ажиллалаа.
Энэ үеэр Эрдэнэт үйлдвэрийн Байгаль орчин, ногоон хөгжлийн хэлтсийн дарга Ж.Жавхланбат, Баяжуулах үйлдвэрийн Ерөнхий инженер Г.Цогтгэрэл нар цагаан тоос дарах чиглэлээр авч хэрэгжүүлж буй арга хэмжээ, явц байдал болон цаашдын зорилтын талаар мэдээлэл хийж, танилцууллаа. Мөн шинээр байгуулах Хаягдлын аж ахуйн ажлын явцын талаар холбогдох албаны хүмүүст мэдээлэл өглөө.
Эрдэнэт үйлдвэрийн Хаягдлын аж ахуй 2336 га талбайг хамардаг. Үүний 1500 га талбайд үйлдвэрлэлийн хаягдал элс хуримтлагдан, цагаан тоосны дэгдэлт үүсгэдэг бөгөөд энд цагаан тоос дарах ажил тогтмол хийгдэж байна. Цагаан тоос дарах ажлыг зуны хаялтын хэсэгт бороожуулах буюу намираа хоолойгоор усалгаа хийх, технологийн хаялт шилжүүлж хуурай талбайг норгох, полимер урвалж ашиглан тусгай зориулалтын техникээр дарах зэрэг гурван аргаар тоосны дэгдэлт бууруулан ажиллаж байна. Үүний үр дүнд цагаан тоосны дэгдэлт үүсэх боломжтой 1500 га талбайн 80 хувьд тоосны дэгдэлтийг бууруулан ажиллаж байгааг Байгаль орчин, ногоон хөгжлийн хэлтсээс мэдээллээ.
Нар минутад мандаж минутад жаргана.
Үс засуулвал: 
Суудал: 
