Эрдэнэт үйлдвэрийн удирдах ажилтнуудын ээлжит шуурхай зөвлөгөөн өнөөдөр тогтсон цагтаа эхэлж, Ерөнхий инженер Т.Батмөнх удирдлаа. Өнгөрсөн долоо хоногт үйлдвэрийн хэмжээнд өндөр эрсдэлтэй 20, галын таван ажил гүйцэтгэсэн бөгөөд ХАБЭА-н зөрчилгүй, хэвийн ажиллажээ. Энэ долоо хоногт Ган бөөрөнцгийн цех, Засвар, механикийн заводад дөрөвдүгээр шатны үзлэг шалгалт хийх талаар ХАБЭА-н хэлтсээс мэдээлэв. Харин ХАБ-ын хувцас, хамгаалах хэрэгслийг бүтцийн нэгжүүдээр дамжуулан ажилчдад олгох асуудлыг дахин судлан хэлэлцэж шийдвэр гаргахаар боллоо.
Эрдэнэтийн Овооны “Оюут” зэсийн ордод 2023-2025 онд гүйцэтгэсэн нарийвчилсан хайгуулын ажлын үр дүнгийн тайлан, мөн Эрдэнэтийн Овоо зэс-молибденын ордын ТЭЗҮ-ийн тодотголыг Эрдэс баялгийн мэргэжлийн зөвлөлөөр 05 дугаар сарын 01-ний өдөр хэлэлцүүлэхээр болсон тул бэлтгэл хангаж ажиллахыг үүрэг болгов.
Үйлдвэрийн хэмжээнд хавар, зуны бэлтгэл хангах хүрээнд 277 ажил төлөвлөснөөс одоогоор 100 хувийн гүйцэтгэлтэй 43 ажил, 80-99 хувийн гүйцэтгэлтэй 16 ажил, 60-76 хувийн биелэлттэй 37 ажил байна. Нийтэд нь дүгнэхэд хавар, зуны бэлтгэл ажил 43 хувийн биелэлттэй явааг Үйлдвэрлэл, техникийн хэлтсээс мэдээллээ.
Мөн дөрөвдүгээр сар гарсаар уулын цул гаргалт төлөвлөгөөнөөс 244,000 м3, хөрс хуулалт төлөвлөгөөнөөс 186 м3, хүдэр олборлолт төлөвлөгөөнөөс 152,000 тонноор илүү явна. Зэсийн металлын агуулга 0,371 хувь, молибден 0,016 хувь, зэсийн металл авалт 86,56, молибденын металл авалт 51,60 байна. Сарын эхний 26 хоногийн байдлаар 41,604 тонн буюу төлөвлөгөөнөөс 1723 тонн илүү гаргасан байна. Мөн 22,32 хувийн агуулгатай, 714 вагон зэсийн баяжмал ачсан нь төлөвлөгөөнөөс 44 вагоноор илүү байгааг дурдав.
Тээвэр, ложистикийн төв өнгөрсөн долоо хоногт нийтдээ 129 нэр төрлийн бараа материал олгосон бол 83 нэр төрлийн 21,9 тэрбум төгрөгийн бараа материал хүлээн авчээ. Тус төв 05 дугаар сарын дундуур “Нээлттэй хаалганы өдөр” зохион байгуулахаар төлөвлөснөө дуулгаад, бүтцийн нэгжүүд захиалсан бараа материалаа татан авах, хэрэгцээт сэлбэг, эд ангиа “алдах”-аас сэргийлж ажиллахыг анхааруулсан юм.
Соёл, спортын “Эрдэнэт” цогцолбор, орон сууцны “Уурхайчин-3” хороолол, Ногоон хөгжлийн төвийн барилгын ажилд онцгой анхаарал хандуулах шаардлагатай байгааг Хамтын ажиллагаа, нийгмийн харилцааны бодлогын газар, Үйлдвэрчний эвлэлийн холбооноос уламжиллаа. “Эрдэнэт үйлдвэр” ТӨҮГ-ын Ерөнхий захирал бүтцийн нэгжийн удирдлагуудад энэ асуудалд анхаарч, холбогдох арга хэмжээ авч ажиллахыг үүрэг болгов.
Нар минутад мандаж минутад жаргана.
Үс засуулвал: 
Суудал: 
